କୋଣାର୍କ,୨୩।୭(ଆପ୍ର) ପୁରୀ-କୋଣାର୍କ ବେଳାମାର୍ଗ ଇକୋ ରିଟ୍ରିଟ ନିକଟରେ ଏକ କାର ଭାରସାମ୍ୟ ହରାଇ ଅଭୟାରଣ୍ୟ ଭିତରକୁ ପଶିଯାଇଛି। ଏଥିରେ ୩ ଜଣ ଆହତ ହୋଇଛନ୍ତି।
ମଙ୍ଗଳବାର ଜଗତସିଂହପୁର ଏରସମା ଅଞ୍ଚଳରୁ ବିଜୟକୃଷ୍ଣ ମଣ୍ଡଳ, ନନ୍ଦିନୀ ମଣ୍ଡଳ,ରେବତୀ ସାମନ୍ତ ଏକ କାର (ଓଡି ୦୨ ବିପି ୭୯୦୫)ରେ କୋଣାର୍କ ବୁଲିସାରି ପୁରୀ ଫେରୁଥିଲେ। ଏହି ସମୟରେ ବେଳାମାର୍ଗ ଇକୋ ରିଟ୍ରିଟ ନିକଟ ବୁଲାଣି ପାଖରେ କାରଟି ଭାରସାମ୍ୟ ହରାଇ ଅଭୟାରଣ୍ୟ ଭିତରକୁ ପଶିଯାଇଥିଲା। ଫଳରେ ୩ ପର୍ଯ୍ୟଟକମାନେ ସାମାନ୍ୟ ଆହତ ହୋଇଥିଲେ। ଖବରପାଇ କୋଣାର୍କ ଚମ୍ପାହାର ଅଗ୍ନିଶମ ବାହିନୀ ପହଞ୍ଚି ଆହତମାନଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଗୋପ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ।