ପଟ୍ଟାମୁଣ୍ଡାଇ, ୨୨।୧୦ : ରାଜନଗର ବିଶ୍ଵ ପ୍ରସିଦ୍ଧ ଜାତୀୟ ଉଦ୍ୟାନ ଭିତରକନିକା ବୁଲିବାକୁ ଆସି ପର୍ଯ୍ୟଟକ ହେଲେ ହଟହଟା । ପର୍ଯ୍ୟଟନର ଋତୁରେ ଦେଶ ବିଦେଶରୁ ଦୈନିକ ଭିତରକନିକା ଜାତୀୟ ଉଦ୍ୟାନ ବୁଲିବାକୁ ଆସିଥାନ୍ତି ପର୍ଯ୍ୟଟକ। କିନ୍ତୁ ରବିବାର କଟକ ଅଞ୍ଚଳରୁ ୧୮ ଜଣ ପୁରୁଷ ଓ ଯାଜପୁର ଅଞ୍ଚଳର ପାଞ୍ଚଜଣ ମହିଳା ଓ ପାଞ୍ଚଜଣ ପୂରୁଷ ଦୁଇଟି ଘରୋଇ ବୋଟ ମା’ମଙ୍ଗଳା ଓ ମା’ ଗୁପ୍ତ ଚଣ୍ଡୀ ବୋଟରେ ବୁଲି ଯାଉଥିବା ବେଳେ କୁମ୍ଭୀରିଆ ନଦୀ ମଝିରେ ଦୁଇଟି ବୋଟର ଯାନ୍ତ୍ରୀକ ତୃଟି କାରଣରୁ କୁମ୍ଭୀରିଆ ନଦୀରେ ଫସିରହିଥିଲେ।
ପ୍ରାୟ ଦୁଇ ଘଣ୍ଟା ପରେ ଅନ୍ୟ ଏକ ବୋଟ ପହଞ୍ଚି ଯାନ୍ତ୍ରିକ ତୃଟି ଭୋଟକୁ ଟାଣି ଟାଣି ଆଣିବାକୁ ଚେଷ୍ଟା କରି ବିଫଳ ହୋଇଥିଲା। ଫଳରେ ଗୁପ୍ତି ରେଞ୍ଜର ରେଞ୍ଜର ବିଭୁପ୍ରସାଦ ତରାଇଙ୍କ ନେତୃତ୍ବରେ ବନବିଭାଗର ବୋଟ ଘଟଣାସ୍ଥଳରେ ପହଞ୍ଚି ଦୁଇଟି ବୋଟ ସହିତ ବୋଟରେ ଥିବା ପ୍ରାୟ ତିରିଶ ଜଣଙ୍କୁ ଉଦ୍ଧାର କରିଥିବା ଜଣାପଡ଼ିଛି।
