ନୀଳଗିରି,୧୨/୧୧(ଆ.ପ୍ର) : ଜଣେ ଗୋରୁ ବେପାରୀଙ୍କ ଠାରୁ ଲାଞ୍ଚ ନେବା ଘଟଣାର ଫୋନ ଟ୍ୟାପିଂ ଭାଇରାଲ ହେବା ପରେ ଆକ୍ସନ ମୋଡ଼କୁ ଆସିଛନ୍ତି ବାଲେଶ୍ଵର ଏସପି। ସମ୍ପୃକ୍ତ ହାବିଲଦାରଙ୍କୁ ନିଲମ୍ବନ କରିବା ପାଇଁ  ସେ ନିର୍ଦେଶ ଦେଇଛନ୍ତି।

ସୂଚନାଯୋଗ୍ୟ ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ବରମପୁର ଥାନାର କାର୍ଯ୍ୟରତ ହାବିଲଦାର ଅଞ୍ଜନ ମିଶ୍ର ଗୋରୁ ବେପାରୀଙ୍କ ଠାରୁ ଲାଞ୍ଚ ନେଇ ହରଡ଼ଘଣାରେ ପଡିଛନ୍ତି।  ରାଢୋ ଅଞ୍ଚଳର ଜନୈକ ଯୁବକ ଗୋରୁ ଗାଡ଼ିରେ ନେଇ ଯାଉଥିବା ସମୟରେ ହାବିଲଦାର ଜଣକ ତାଙ୍କ ଠାରୁ ହଜାରେ ଟଙ୍କା ଅଗ୍ରୀମ ନେଇ ପରେ ଆଉ ୨ ହଜାର ଟଙ୍କା ପଠାଇବା ପାଇଁ କହିଥିଲେ। ପରେ ଫୋନ ମାଧ୍ୟମରେ ତାଙ୍କୁ କମିଟମେଣ୍ଟ ଅନୁସାରେ ଟଙ୍କା ନଦେଲେ ଥାନାରେ ପୁରାଇବାକୁ ଧମକ ଦେଇଥିଲେ।ଏପରିକି ଅତ୍ୟନ୍ତ କଦର୍ଯ୍ୟ ଭାଷାରେ ଗାଳିଗୁଲଜ କରି ଥିଲେ। ଆଉ ଜଣଙ୍କର  ଫୋନ ପେ ମାଧ୍ୟମରେ  ହାବିଲଦାରଙ୍କୁ ୨ ହଜାର ଟଙ୍କା ପଠାଇବା ପରେ ସଂପୃକ୍ତ ଯୁବକ ଜଣକ ଫୋନ ଟ୍ୟାପିଂ ଓ ଟଙ୍କା ପଠାଇଥିବା ସ୍କ୍ରିନ ସଟ ଭାଇରାଲ କରିଥିଲେ। ଶେଷରେ ବାଲେଶ୍ଵର ଏସପି  ସମ୍ପୃକ୍ତ ହାବିଲଦାରଙ୍କୁ ଚାକିରିରୁ ନିଲମ୍ବନ ଆଦେଶ ଦେଇଥିବା ଜଣାପଡିଛି।