ନୂଆଦିଲ୍ଲୀ : ଦେଶର ଇକୋନମିକୁ ନେଇ S&P ଗ୍ଲୋବାଲ ରେଟିଂସ୍ ଖରାପ ଖବର ଶୁଣାଇଛି। ରେଟିଂ ଏଜେନ୍ସି ଆଗାମୀ ଆର୍ଥିକ ବର୍ଷ ୨୦୨୫-୨୬ ପାଇଁ ଭାରତର ସମସ୍ତ ଘରୋଇ ଉତ୍ପାଦ (ଜିଡିପି)ର ବୃଦ୍ଧି ହାରର ଅନୁମାନକୁ ହ୍ରାସ କରାଇ ୬.୫ ପ୍ରତିଶତ କରି ଦେଇଛି। ରେଟିଂ ଏଜେନ୍ସିର ଅନୁମାନ ଯେ, ଏସିଆ-ପ୍ରଶାନ୍ତ ମହାସାଗରୀୟ କ୍ଷେତ୍ରର ଅର୍ଥବ୍ୟବସ୍ଥା ଗୁଡ଼ିକ ଉପରେ, ଆମେରିକାର ଶୁଳ୍କ ବୃଦ୍ଧି ଓ ଜଗତୀକରଣ ଉପରେ ପଡ଼ୁଥିବା ଚାପର ପ୍ରଭାବ ପଡ଼ିବ। ଏହି ବାହ୍ୟ ଚାପ ସତ୍ତ୍ୱେ ଆଶା ରହିଛି ଯେ, ସର୍ବାଧିକ ବର୍ଦ୍ଧିତ ବଜାର ଇକୋନମିରେ ଘରୋଇ ଚାହିଦାର ଗତି ଦୃଢ ରହିବ ବୋଲି ଆଶା କରାଯାଉଛି।
ରେଟିଂ ଏଜେନ୍ସିର S&Pର କହିବାନୁସାରେ ,ଆମର ଅନୁମାନ ଯେ, ୩୧ ମାର୍ଚ୍ଚ , ୨୦୨୬ରେ ଶେଷ ହେବାକୁ ଥିବା ଆର୍ଥିକ ବର୍ଷରେ ଭାରତର ଅର୍ଥବ୍ୟବସ୍ଥା ୬.୫ ପ୍ରତିଶତର ଦରରୁ ବଢିବ। ଏହା ଆମର ପ୍ରଥମ ଲଗା ଯାଇଥିବା ୬.୭ ପ୍ରତିଶକର ଅନୁମାନରୁ କମ୍। ପୂର୍ବାନୁମାନ ଅନୁଯାୟୀ ଆଗାମୀ ମୌସୁମୀ ସ୍ୱାଭାବିକ ରହିବ ଏବଂ ସାମଗ୍ରୀ ମୂଲ୍ୟ , ବିଶେଷକରି ଅଶୋଧିତ ତୈଳ ଦାମ୍ ନରମ ରହିବାର ସମ୍ଭାବନା ରହିଛି।
S&P କହିଛି – ଆମେ ଆକଳନ କରୁଛୁ ଯେ, ଆଗାମୀ ଦିନରେ ଭାରତୀୟ ରିଜର୍ଭ ବ୍ୟାଙ୍କ ସୁଧ ହାର ୦.୭୫ ପ୍ରତିଶତରୁ ଏକ ପ୍ରତିଶତ ହ୍ରାସ କରିବ। ଖାଦ୍ୟ ମୁଦ୍ରାସ୍ଫୀତି ହ୍ରାସ ଓ ଅଶୋଧିକ ତୈଳ ମୂଲ୍ୟ କମ୍ କରିବା ଦ୍ୱାରା ସାମଗ୍ରିକ ମୁଦ୍ରାସ୍ଫୀତି ୨୦୨୬ ମାର୍ଚ୍ଚରେ ଶେଷ ହେଉଥିବା ଆର୍ଥିକ ବର୍ଷରେ କେନ୍ଦ୍ରୀୟ ବ୍ୟାଙ୍କର ଚାରି ପ୍ରତିଶତ ଲକ୍ଷ୍ୟର ନିକଟତର ହେବ। ଆର୍ଥିକ ନୀତିକୁ ନିୟନ୍ତ୍ରଣରେ ରଖିବ।
ରେଟିଂ ଏଜେନ୍ସି କହିଛି ଯେ ,ଏସିଆ-ପ୍ରଶାନ୍ତ ମହାସାଗରୀୟ ଅର୍ଥବ୍ୟବସ୍ଥା ଗୁଡ଼ିକ ବିଶେଷ ଭାବେ ଆମେରିକାରେ ବୃଦ୍ଧି ପାଉଥିବା ଶୁଳ୍କ ଏବଂ ସାଧାରଣତଃ ଜଗତୀକରଣ(ଗ୍ଲୋବାଲାଇଜେସନ) ଉପରେ ଚାପର ପ୍ରଭାବ ଅନୁଭବ କରିବେ। ହେଲେ ଆମେ ଘରୋଇ ଚାହିଦାର ଗତିକୁ ବ୍ୟାପକ ଭାବେ ଜାରି ରହିବାର ଦେଖୁଛୁ, ବିଶେଷକରି କ୍ଷେତ୍ରର ବର୍ଦ୍ଧିତ ବଜାର ଅର୍ଥବ୍ୟବସ୍ଥା ମଧ୍ୟରେ।
