ନୂଆଦିଲ୍ଲୀ,୧୭/୦୫: ଦୀର୍ଘ ୩ ବର୍ଷରୁ ଅଧିକ ଦିନ ହେବ ଯୁଦ୍ଧ । ଗୁଳିଗୋଳା ବର୍ଷଣ, ଏୟାରଷ୍ଟ୍ରାଇକ୍ ଓ ରକ୍ତପାତ । ଅକାଳରେ ଚାଲି ଯାଇଛି ଅନେକ ଜୀବନ । ତଥାପି ଶାନ୍ତ ପଡୁନାହିଁ ବନ୍ଧୁକ ଥମୁନି ଯୁଦ୍ଧ । ଋଷ- ୟୁକ୍ରେନ୍ ମଧ୍ୟରେ ଚାଲିଥିବା ଯୁଦ୍ଧକୁ ୩ ବର୍ଷ ବିତି ଯାଇଛି । ପ୍ରଥମ ଥର ପାଇଁ ଦୁଇ ଦେଶର ପ୍ରତିନିଧିଙ୍କ ମଧ୍ୟରେ ଶାନ୍ତି ନେଇ ଆଲେଚନା ହୋଇଥିଲା । ୨ଘଣ୍ଟାରେ ସରିଗଲା ବୈଠକ ହେଲେ କୌଣସି ନିଷ୍କର୍ସ ବାହାରିପାରିଲା ନାହିଁ । ଯୁଦ୍ଧବିରତି ନେଇ କୌଣସି ବାଟ ଫିଟିଲା ନାହିଁ ବରଂ ଟେନ୍ସନ ବଢିଛି ।
ଶାନ୍ତି ଆଲୋଚନା ନେଇ ହୋଇଥିବା ବୈଠକ ୨ ଘଣ୍ଟାରେ ସରିଗଲା । ଦୁଇ ଦେଶ ମଧ୍ୟରେ ଯୁଦ୍ଧବିରତି ନେଇ କୌଣସି ସହମତି ହୋଇ ପାରିଲା ନାହିଁ ହେଲେ ଟେନସନ୍ ବଢିଛି । ଋଷ ଯୁଦ୍ଧବିରତି ଉପରେ ଆଲୋଚନା କରିବାକୁ ପ୍ରସ୍ତୁତ ନାହିଁ । ସେହିପରି ୟୁକ୍ରେନ୍ କହିଛି କି, ଦୁଇପକ୍ଷ ବିନା, ଯେ ପର୍ଯ୍ୟନ୍ତ ଦୁଇପଟୁ ବନ୍ଧୁକ ଶାନ୍ତ ନପଡ଼ିଛି ସେ ଯାଏ ଶାନ୍ତି ଅସମ୍ଭବ । ଏହି ଶାନ୍ତି ଆଲୋଚନାରେ ପ୍ରଥମେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ୟୁକ୍ରେନ୍ ରାଷ୍ଟ୍ରପତି ଜେଲେନସ୍କି ସାମିଲ ହେବାର ଥିଲା । ଡୋନାଲ୍ଡ ଟ୍ରମ୍ପ ମଧ୍ୟ ସାମିଲ ହେବାକୁ ସଙ୍କେତ ଦେଇଥିଲେ । ମାତ୍ର ଟ୍ରମ୍ପ-ପୁଟିନ ପଛକୁ ଘୁଞ୍ଚିଥିଲେ ।
ଅଧିକ ପଢନ୍ତୁ...ରିପୋର୍ଟରେ ଚାଞ୍ଚଲ୍ୟ କର ତଥ୍ୟ ,୪ ବର୍ଷରେ ଟ୍ରମ୍ପ୍ କହିଛନ୍ତି ୩୦ ହଜାରରୁ ଅଧିକ ମିଛ...
ୟୁକ୍ରେନ୍ କହିଛି କି, ଶାନ୍ତି ବାର୍ତ୍ତା ପାଇଁ ଅତିକମ୍ରେ ଅସ୍ଥାୟୀ ଅସ୍ତ୍ରବିରତି ଜରୁରୀ । ୟୁକ୍ରେନ୍ ବୈଦେଶିକ ମନ୍ତ୍ରଣାଳୟ ପ୍ରବକ୍ତା କହିଛନ୍ତି କି ଋଷ ତାଙ୍କ ସର୍ତ୍ତ ମାନିଲା ନାହିଁ । ୟୁକ୍ରେନ୍ ରାଷ୍ଟ୍ରପତି ଜେଲେନସ୍କି କହିଛନ୍ତି କି ଆମେରିକା ରାଷ୍ଟ୍ରପତି ଟ୍ରମ୍ପ, ଫ୍ରାନ୍ସ, ଜର୍ମାନୀ, ୟୁକେ ଏବଂ ପୋଲାଣ୍ଡକୁ ଅପିଲ୍ କରିଛି ଯଦି ସେମାନେ ବିନା ସର୍ତ୍ତରେ ଯୁଦ୍ଧବିରତି ପାଇଁ ପ୍ରସ୍ତୁତ ନାହାନ୍ତି ତେବେ ତାଙ୍କ ବିରୋଧରେ କଡ଼ା ପ୍ରତିବନ୍ଧ ଲଗାଯିବ ।
ଶାନ୍ତି ଆଲୋଚନାରେ କେବଳ ଦୁଇଦେଶ ମଧ୍ୟରେ ୧୦୦୦ ବନ୍ଦୀଙ୍କୁ ଛାଡିବା ଉପରେ ସହମତି ହେଲା । ଅସ୍ତ୍ରବିରତିକୁ ନେଇ ୟୁକ୍ରେନ୍ ସନ୍ତୁଷ୍ଟ ନାହିଁ । ଋଷ ଏହି ମୁ୍ଦ୍ଦା ଉପରେ କୌଣସି ସକାରାତ୍ମକ ଜବାବ ଦେଇ ନାହିଁ । ଋଷ ଏମିତି ସର୍ତ୍ତ ରଖିଛି କି ଯାହା କେବେ ସ୍ୱୀକାର କରି ହେବ ନାହିଁ । ୟୁକ୍ରେନ ତାର ସୈନ୍ୟ ପ୍ରତ୍ୟାହାର କରି ନେଉ ବୋଲି ଋଷ ଚାହୁଁଛି । ଋଷ ଫାଇଦା ନେବାକୁ ଚାହେଁ । ୟୁକ୍ରେନ୍ କହିଛି କି ତାର ସହଯୋଗୀଙ୍କ ପ୍ରସ୍ତାବ ମୁତାବିକ ସିଜଫାୟାର ଚାହେଁ ।
