ନୂଆଦିଲ୍ଲୀ: ଦିଲ୍ଲୀର ରୋହିଣୀ ସେକ୍ଟର ୧୭ରେ ଥିବା ଶ୍ରୀ ନିକେତନ ଆପାର୍ଟମେଣ୍ଟ ନିକଟରେ ଥିବା ଏକ ରାସ୍ତାକଡ ବସ୍ତିରେ ଆଜି ହଠାତ୍ ଅଗ୍ନିକାଣ୍ଡ ଘଟିଥିଲା। ଅଗ୍ନିକାଣ୍ଡର ଖବର ପାଇବା ମାତ୍ରେ ସମଗ୍ର ଅଞ୍ଚଳରେ ଆତଙ୍କ ଖେଳିଗଲା। ଘଟଣା ବିଷୟରେ ପୋଲିସ ଏବଂ ଅଗ୍ନିଶମ ବିଭାଗକୁ ସୂଚନା ଦିଆଯାଇଥିଲା । ଯାହା ପରେ ୨୦ଟି ଅଗ୍ନିଶମ ବାହିନୀ ଗାଡ଼ି ଘଟଣାସ୍ଥଳରେ ପହଞ୍ଚି ବହୁତ ପରିଶ୍ରମ ପରେ ନିଆଁକୁ ଆୟତ୍ତ କରିଥିଲେ। ତେବେ ସନ୍ଧାନ ସମୟରେ, ଦୁଇଟି ମୃତ ଦେହ ଉଦ୍ଧାର କରାଯାଇଥିଲା, ଯାହାକୁ ପୋଲିସ ହେପାଜତକୁ ନିଆଯାଇ ପୋଷ୍ଟମର୍ଟମ ପାଇଁ ପଠାଯାଇଥିଲା। ବର୍ତ୍ତମାନ ସର୍ଚ୍ଚ ଅପରେସନ୍ ଜାରି ରହିଛି।
ରୋହିଣୀର ସେକ୍ଟର ୧୭ରେ ଶ୍ରୀ ନିକେତନ ଆପାର୍ଟମେଣ୍ଟ ନିକଟରେ ଅନେକ ବସ୍ତି ଅଛି, ଯେଉଁଠାରେ ଶହ ଶହ ଲୋକ ରୁହନ୍ତି। ରବିବାର ସକାଳେ ଏଠାରେ ହଠାତ୍ ନିଆଁ ଲାଗିଯାଇଥିଲା। ଗୋଟିଏ ବସ୍ତିରେ ଲାଗିଥିବା ନିଆଁ କିଛି ସମୟ ମଧ୍ୟରେ ଭୟଙ୍କର ରୂପ ନେଇଥିଲା ଏବଂ ତା’ପରେ ଅନେକ ବସ୍ତି ନିଆଁ କବଳକୁ ଆସିଗଲା। ନିଆଁ ଦେଖି ବସ୍ତି ବାସିନ୍ଦା ମାନେ କୌଣସି ପ୍ରକାରେ ଦୌଡ଼ି ପଳାଇ ନିଜ ଜୀବନ ବଞ୍ଚାଇଥିଲେ। ଏହା ପରେ, ଘଟଣା ବିଷୟରେ ତୁରନ୍ତ ପୋଲିସ ଏବଂ ଅଗ୍ନିଶମ ବିଭାଗକୁ ସୂଚନା ଦିଆଯାଇଥିଲା। ତେବେ ବର୍ତ୍ତମାନ ସୁଦ୍ଧା ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ।
