ଭୁବନେଶ୍ୱର,୧୦/୧୧: ରାଜଧାନୀରେ ଉତ୍ପାତ ହେଉଛନ୍ତି ଲୁଟେରା । ଶ୍ରୀ ଗଣେଶ ବିହାର ଅଞ୍ଚଳର ଅବସରପ୍ରାପ୍ତ କର୍ମଚାରୀ ବଂଶୀଧର ଗୌଡ଼ଙ୍କ ଘରର ଝରକା ତାଡ଼ି ଲୁଟିନେଲେ ୨୦ ଲକ୍ଷ ଟଙ୍କାର ଜିନିଷ । ରାଜଧାନୀ ଭୁବନେଶ୍ୱରର ଇନ୍ଫୋସିଟି ଥାନା ଅନ୍ତର୍ଗତ ଶ୍ରୀ ଗଣେଶ ବିହାର ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ରାଜଧାନୀରେ ପୁଣି ମାତିଲେ ଝରକା ତଡ଼ା ଲୁଟେରା । ଶ୍ରୀ ଗଣେଶ ବିହାର ଅଞ୍ଚଳରେ ଜଣେ ଅବସରପ୍ରାପ୍ତ କର୍ମଚାରୀଙ୍କ ଘରେ ବୁଲାଇଲେ କଳାକନା । ପ୍ରଥମେ ଝରକାକୁ ଶାବଳରେ ତାଡ଼ି ଘରେ ପଶିଲେ । ଘରେ ପଶି ଦମ୍ପତିଙ୍କୁ ଭିତର ପଟୁ ତାଲା ପକାଇ ଲୁଟିନେଲେ ସୁନା ଅଳଙ୍କାର ସହ ନଗଦ ଟଙ୍କା । ତେବେ ସର୍ବମୋଟ ୨୦ ଲକ୍ଷ ଟଙ୍କାର ଜିନିଷ ଲୁଟେରା ଲୁଟି ନେଇଥିବା ଜଣାପଡ଼ିଛି । ଏନେଇ ଘରର ମାଲିକ ବଂଶୀଧର ଗୌଡ଼ ଇନ୍ଫୋସିଟି ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି ।
