ଭୁବନେଶ୍ୱର, ୦୨/୦୧: ରାଜଧାନୀ ଭୁବନେଶ୍ୱରର ଟଙ୍କପାଣି ରୋଡ୍ ନିକଟରେ ଠାବ ହେଲା ନକଲି ସିମେଣ୍ଟ ଫ୍ୟାକ୍ଟ୍ରି । ଏହି ଫ୍ୟାକ୍ଟ୍ରି ଠାବ କଲା ବଡଗଡ ଥାନା ପୋଲିସ । ସିମେଣ୍ଟ ସହ ପାଉଁଶ ମିଶାଇ ଲୋକଙ୍କୁ ବିକ୍ରି କରୁଥିଲେ ଫ୍ୟାକ୍ଟ୍ରିର ଲୋକେ । ଫ୍ୟାକ୍ଟ୍ରିରୁ ସମସ୍ତ ନକଲି ସିମେଣ୍ଟ ଜବତ କରିଛି ପୋଲିସ ।
ସୂଚନା ମୁତାବକ, ରାଜଧାନୀ ଭୁବନେଶ୍ୱରର ଟଙ୍କପାଣି ରୋଡ୍ରେ ଥିବା ଏକ ସିମେଣ୍ଟ ଫ୍ୟାକ୍ଟ୍ରି ଲୋକଙ୍କୁ ନକଲି ସିମେଣ୍ଟ ବିକ୍ରି କରୁଥିଲା । ଏ ବିଷୟରେ ଖବର ପାଇବା ପରେ ଗୁରୁବାର ବଡଗଡ ଥାନା ପୋଲିସ ଉକ୍ତ ଫ୍ୟାକ୍ଟ୍ରିରେ ଚଢାଉ କରିଥିଲା । ଚଢାଉ କରିବା ବେଳେ ଫ୍ୟାକ୍ଟ୍ରିରେ ସିମେଣ୍ଟ ସହ ପାଉଁଶ ମିଶା ଯାଉଥିବା ପୋଲିସ ଜାଣିବାକୁ ପାଇଥିଲା । ଏହା ଦେଖି ଉକ୍ତ ଫ୍ୟାକ୍ଟ୍ରିରୁ ବିପୁଳ ପରିମାଣର ନକଲି ସିମେଣ୍ଟ ଜବତ କରିଛି ବଡଗଡ ଥାନା ପୋଲିସ ।
