କଟକ,୧୨/୦୧: କମିଶନରେଟ ପୋଲିସର ପ୍ରତିଷ୍ଠା ଦିବସ ଅବସରରେ କଟକରେ ଅନୁଷ୍ଠିତ ହୋଇଛି ଏକ ରୋଡ୍ ରନ୍ କାର୍ଯ୍ୟକ୍ରମ। ବକ୍ସି ବଜାର ପୋଲିସ ଗ୍ରାଉଣ୍ଡରୁ ଆରମ୍ଭ ହୋଇ ଇଣ୍ଡୋର ଷ୍ଟାଡିଅମରେ ଶେଷ ହୋଇଥିଲା ମିନି ମାରାଥାନ। କାର୍ଯ୍ୟକ୍ରମକୁ ପତକା ଦେଖାଇ ଉଦ୍ଘାଟନ କରିଥିଲେ କଟକ ମେୟର ସୁବାସ ସିଂ ଓ ବାରବାଟୀ ବିଧାୟିକା ସୋଫିଆ ଫିର୍ଦୋଷ। ।
ଏହି ଗଣଦୌଡ଼ରେ ବିଭିନ୍ନ ବୟସ ବର୍ଗର ବ୍ୟକ୍ତି ବିଶେଷ ଓ କଟକର ବିଭିନ୍ନ ଥାନାରୁ ଆସିଥିବା କର୍ମଚାରୀ ସାମିଲ ହୋଇଥିଲେ। ସାମାଜିକ ଦାୟିତ୍ବ ସହ ଲୋକଙ୍କ ସେବା ଓ ସୁରକ୍ଷା ଆମର କର୍ତ୍ତବ୍ୟ ବୋଲି କହିଛନ୍ତି ପୋଲିସ ଡିସିପି । ତେବେ ଆଗକୁ କମିଶନରେଟ ପୋଲିସ କଟକରେ କିପରି ଭଲ କାମ କରିବ ତାହା ଆମର ଲକ୍ଷ୍ୟ ବୋଲି କହିଛନ୍ତି ଡିସିପି ଜଗମୋହନ ମିନା । ଏହାବ୍ୟତୀତ ପୋଲିସ ହୁଅନ୍ତୁ କି ସାଧାରଣ ଜନତା, ସମସ୍ତେ ଫିଟ ରହିବା ପାଇଁ କମିଶନରେଟ ପୋଲିସ ସର୍ବଦା ଆହ୍ୱାନ ଦେଇ ଆସିଛି । ତେଣୁ ଏହି ପ୍ରତିଷ୍ଠା ଦିବସରେ ଦୈନନ୍ଦିନ ଜୀବନରେ ଫିଟ ରହିବା ଯଥେଷ୍ଟ ଆବଶ୍ୟକ ବୋଲି ମତ ରଖିଥିଲେ ଅନ୍ୟାନ୍ୟ ଅତିଥିଗଣ।
