ଭୁବନେଶ୍ଵର, ୦୯/୦୭ : ଶ୍ରୀମନ୍ଦିର ରତ୍ନଭଣ୍ଡାର ତଦାରଖ କମିଟିର ଦ୍ଵିତୀୟ ବୈଠକ ଶେଷ। ୧୪ରେ ଖୋଲିପାରେ ରତ୍ନଭଣ୍ଡାର। ଆସନ୍ତା ୧୪ ତାରିଖରେ ରତ୍ନଭଣ୍ଡାର ଖୋଲିବା ନେଇ ତଦାରଖ କମିଟି ସରକାରଙ୍କୁ ପ୍ରସ୍ତାବ ଦେବ। ସରକାର ଅନୁମତି ଦେଲେ ରତ୍ନଭଣ୍ଡାର ଖୋଲାଯିବ। ଏନେଇ ରତ୍ନଭଣ୍ଡାର ତଦାରଖ କମିଟି ଅଧ୍ୟକ୍ଷ ଜଷ୍ଟିସ୍ ବିଶ୍ଵନାଥ ରଥ ସୂଚନା ଦେଇଛନ୍ତି। 

ଜଷ୍ଟିସ୍ ବିଶ୍ଵନାଥ ରଥ କହିଛନ୍ତି ଯେ, ଆଶା କରୁଛୁ ରତ୍ନଭଣ୍ଡାର ଖୋଲିବା ପାଇଁ ସରକାର ଅନୁମତି ଦେବେ। ଚାବି କାମ କରୁ ବା ନକରୁ ରତ୍ନଭଣ୍ଡାର ନିଶ୍ଚିତ ଖୋଲାଯିବ। ତେବେ ଚାବି ମିଳିବା ପ୍ରସଙ୍ଗରେ ଜଷ୍ଟିସ୍ ବିଶ୍ଵନାଥ ରଥ କହିଛନ୍ତି ଯେ, ରଥଯାତ୍ରାରେ ବ୍ୟସ୍ତ ଥିବାରୁ ଆଜି ଶ୍ରୀମନ୍ଦିର ମୁଖ୍ୟ ପ୍ରଶାସକ ଚାବି ଉପସ୍ଥାପନ କରିପାରିନାହାଁନ୍ତି। ୧୪ ତାରିଖ ସୁଦ୍ଧା ସେ ତଦାରଖ କମିଟି ଆଗରେ ଚାବି ଉପସ୍ଥାପନ କରିବେ। ରତ୍ନଭଣ୍ଡାର ଖୋଲିବା ପରେ ୨ଟି ଦିଗରେ କାର୍ଯ୍ୟ ହେବ। ରତ୍ନଭଣ୍ଡାର ଗଣତି ମଣତି ଓ ମରାମତି କାର୍ଯ୍ୟ କରାଯିବ।