ଆଠମଲ୍ଲିକ,୨୬/୧୨: ଲଗାଣ ବର୍ଷା ପ୍ରଭାବ ଆଠମଲ୍ଲିକରେ ପଡିଛି । ଅଦିନିଆ ବର୍ଷା ଭାଙ୍ଗି ଦେଇଛି ଚାଷୀର ମେରୁଦଣ୍ଡ । ଅନୁଗୁଳ ଜିଲ୍ଲାର ଆଠମଲ୍ଲିକରେ ଗତ ସାତ ଦିନ ହେଲାଣି ମେଘୁଆ ପାଗ ସାଙ୍ଗକୁ ତୁହାକୁ ତୁହା ବର୍ଷା ଲାଗି ରହିଛି । ବିଲରେ ୩ ଇଞ୍ଚରୁ ୫ ଇଞ୍ଚ ପାଣି ଜମି ରହିଛି । ପାଣି ଜମି ରହିବା ଫଳରେ ଧାନ ଫସଲ ନଷ୍ଟ ହୋଇ ଗଲାଣି ।
ବିଲରେ କାଟି ରଖିଥିବା ଧାନକୁ ଆଉ ଖଳାକୁ ନେବା ଅବସ୍ଥାରେ ନାହିଁ । ଆଠମଲ୍ଲିକ ଓ କିଶୋରନଗର ଦୁଇଟି ବ୍ଲକର ୫୧ ହଜାର ଏକର ଚାଷ ଜମିରୁ ଏଥର କେତେ ଧାନ ମଣ୍ଡିକୁ ଆସିବ ତାହା ଆଉ କିଛି ଦିନ ପରେ ଜଣା ପଡିବ । ଆସନ୍ତା ୨୭ ତାରିଖରୁ ମଣ୍ଡି ଖୋଲିବାର ଅଛି । ଆଠମଲ୍ଲିକ କୃଷି ବିଭାଗ କହୁଛି ଯେ, ଧାନ କିଛି ନଷ୍ଟ ହୋଇ ନାହିଁ । ଅନ୍ୟପଟେ ଚାଷୀ କହୁଛନ୍ତି, ଚାଷ ଭଲ ହେଇଥିଲା । ଦିନି ମାସ ହେଲା ଧାନକୁ ହାତୀ କବଳରୁ ବଞ୍ଚାଇ ଥିଲୁ । ହେଲେ ବର୍ଷା ହେବା ଫଳରେ ସବୁ ନଷ୍ଟ ହୋଇ ଜାଇଛି ।
