ଅନୁଗୁଳ, ୧୧/୧୨: ସଉଦା କିଣିବା ପାଇଁ ଯାଉଥିବା ବେଳେ ଦଳିଦେଲା ହାତୀ । ଚାଲିଗଲା ବ୍ୟକ୍ତିଙ୍କ ଜୀବନ । ମୃତକ ବଉଦବେଡା ଗାଁର ବୃନ୍ଦାବନ ସାହୁ ବୋଲି ଜଣାପଡ଼ିଛି । ଅନୁଗୁଳ ଜିଲ୍ଲା କଣିହାଁ ବନାଞ୍ଚଳ ବଉଦବେଡା ଗାଁ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବୃନ୍ଦାବନ ସାହୁ ବଉଦବେଡା ଗାଁ ନିକଟସ୍ଥ ହାଟକୁ ସଉଦା କିଣିବା ପାଇଁ ଯାଉଥିବା ହାତୀ ଆକ୍ରମଣ କରିଥିଲା । ଫଳରେ ସେ ଘଟଣା ସ୍ଥଳରେ ହିଁ ପ୍ରାଣ ହରାଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ବନ ବିଭାଗର କର୍ମଚାରୀଙ୍କୁ ଖବର ଦେଇଥିଲେ । ଖବର ପାଇ କଣିହାଁ ରେଞ୍ଜ ଅଧିକାରୀ ଘଟଣା ସ୍ଥଳରେ ପହଞ୍ଚିଥିଲେ । ତେବେ ଗୋଟିଏ ଦିନରେ ଦ୍ୱିତୀୟ ଥର ପାଇଁ ହାତୀ ଆକ୍ରମଣରେ ଜୀବନ ଚାଲିଯାଇଥିବାରୁ ଏନେଇ ସ୍ଥାନୀୟ ଲୋକେ ଉତ୍ୟକ୍ତ ହୋଇ ଥିବା ବେଳେ ରେଞ୍ଜ ଅଧିକାରୀ ଲୋକଙ୍କୁ ବୁଝାସୁଝା କରୁଛି।
