ଅନୁଗୁଳ,୨୦/୧୨: ଡ୍ୟୁଟିକୁ ଯାଉଥିବା ବେଳେ ୫୫ ନମ୍ୱର ଜାତୀୟ ରାଜପଥ ନିକଟରେ ଧକ୍କା ଦେଲା ଅଜଣା ଗାଡ଼ି । ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ଆଉ ଜଣେ ଆହତ ହୋଇଛନ୍ତି । ମୃତ ବ୍ୟକ୍ତି ବିକ୍ରମ ରାଉତରାୟ ଏବଂ ଆହତ ବ୍ୟକ୍ତି କରଣ ବୀର ଗୋପି ବୋଲି ଜଣାପଡ଼ିଛି । ଅନୁଗୁଳ ଜିଲ୍ଲା ୫୫ ନମ୍ୱର ଜାତୀୟ ରାଜପଥରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବିକ୍ରମ ରାଉତରାୟ ଏବଂ କରଣ ବିର ଗୋପି ମାନକ ଦୁଇ ଜଣ ବ୍ୟକ୍ତି ଜେଏସ୍ପିଏଲ୍ କମ୍ପାନୀରେ କାର୍ଯ୍ୟରତ ଥିବା ବେଳେ ଶୁକ୍ରବାର ଡ୍ୟୁଟିକୁ ଯାଉଥିଲେ । ଏହି ସମୟରେ ୫୫ ନମ୍ୱର ଜାତୀୟ ରାଜପଥ ନିକଟରେ ଉଭୟଙ୍କୁ ଏକ ଅଜଣା ଗାଡ଼ି ଧକ୍କା ଦେଇଥିଲା । ଏହି ଦୁର୍ଘଟଣାରେ ବିକ୍ରମ ରାଉତରାୟ ପ୍ରାଣ ହରାଇଥିବା ବେଳେ କରଣ ବୀର ଗୋପି ଗୁରୁତର ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଗୁରୁତର ଅବସ୍ଥାରେ କରଣ ବୀର ଗୋପିଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଛି ପୋଲିସ ।
