ଭଞ୍ଜନଗର,୧୧/୦୯: ଭିଜିଲାନ୍ସ ଜାଲରେ ଆଉ ଜଣେ ସରକାରୀ ବାବୁ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍‌ । ଭଞ୍ଜନଗର ଜଳ ସଂପଦ ବିଭାଜନ ସହକାରୀ ଯନ୍ତ୍ରୀ ଇଂ. ପ୍ରସନ୍ନ କୁମାର ସ୍ୱାଇଁଙ୍କ ବାସଭବନରେ ଭିଜିଲାନ୍ସ ଚଢାଉ ଜାରୀ । ଗଞ୍ଜାମ, ଗଜପତି ଓ କନ୍ଧମାଳ ଜିଲ୍ଲା ଭିଜିଲାନ୍ସ ଟିମ୍ କରୁଛନ୍ତି ଏକକାଳୀନ ଚଢ଼ାଉ ।

ଜଳ ସମ୍ପଦ ବିଭାଗ ରେ ସହକାରୀ ଯନ୍ତ୍ରୀ ଭାବରେ କାର୍ଯ୍ୟ କରିବା ସହ କିଛି ଗୁରୁତ୍ୱ ପୂର୍ଣ୍ଣ ବିଭାଗ ରେ ଅତିରିକ୍ତ ଦାୟିତ୍ୱ ତୁଲାଇ ଆସିଛନ୍ତି l ତେଣୁ ତାଙ୍କ ନାମରେ ଦୀର୍ଘଦିନ ଧରି ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗ ହୋଇ ଆସୁଥିଲା । ବୁଧବାର ଅର୍ଥାତ ସେପ୍ଟେମ୍ୱର ୧୧ ତାରିଖରେ ପ୍ରସନ୍ନ କୁମାର ସ୍ୱାଇଁଙ୍କ ବାସଭବନ ସମେତ ଭଞ୍ଜନଗର ଏବଂ ଗଞ୍ଜାମର ୯ଟି ସ୍ଥାନରେ ରେଡ୍‌ କରାଯାଇଛି । ଏନେଇ ମାନ୍ୟବର ବିଚାରପତିଙ୍କ ଦ୍ୱାରା ସର୍ଚ୍ଚ ୱାରେଣ୍ଟ ଜାରି ହେବା ପରେ ୭ ଜଣ ଡିଏସ୍‌ପି, ୫ ଜଣ ଇନ୍ସପେକ୍ଟର ଏବଂ ଅନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ଓଡିଶା ଭିଜିଲାନ୍ସ ଦ୍ୱାରା ଏକକାଳୀନ ରେଡ୍‌ ଚାଲିଛି । 

ଭଞ୍ଜନଗର ସ୍ଥିତ ବାଗଦେବୀ ରୋଡ୍‌ର ତିନି ମହଲା ବିଶିଷ୍ଟ ବାସଭବନ, ବ୍ରହ୍ମପୁରର ତୁଳସୀ ନଗରସ୍ଥିତ ଚାରି ମହଲା କୋଠା, ଭଞ୍ଜନଗର ସ୍ଥିତ ଭେଜିପୁଟ ଅଞ୍ଚଳର ତିନି ମହଲା କୋଠା, ଭଞ୍ଜନଗରର ୱାର୍ଡ ନମ୍ୱର ୬ ସ୍ଥିତ ନିର୍ମାଣଧୀନ ଦୁଇ ମହଲା କୋଠା, ଭଞ୍ଜନଗର ସ୍ଥିତ ତିନି ମହଲା କୋଠା, ଭଞ୍ଜନଗରର ରଘୁନାଥ ବିହାରରେ ଥିବା ସମ୍ପର୍କୀୟଙ୍କ ଘର, ବାଗଦେବୀ ରୋଡ୍‌ରେ ଥିବା ଆଉ ଜଣେ ସମ୍ପର୍କୀୟଙ୍କ ଘର, ପ୍ରସନ୍ନ କୁମାର ସ୍ୱାଇଁଙ୍କ ଭଞ୍ଜନଗର ସ୍ଥିତ ଅଫିସ୍‌ ଚାମ୍ୱର, ଲୁଦୁଲୁଦୀ ଠାରେ ଥିବା ଏକ ମହଲା ବିଶିଷ୍ଟ ପୈତୃକ ଘରେ ଏହି ରେଡ୍‌ ଚାଲିଛି । ଏଥି ସହିତ ଭଞ୍ଜନଗର ଜଳ ସମ୍ପଦ ବିଭାଗ ଅଫିସର ଗୁରୁତ୍ୱ ପୂର୍ଣ୍ଣ କାଗଜ ପତ୍ର ଉପରେ ମଧ୍ୟ ଯାଞ୍ଚ ଚାଲିଛି l ସମ୍ପୂର୍ଣ ଯାଞ୍ଚ ପ୍ରକ୍ରିୟା ସାରିବା ପରେ ହିଁ ସହକାରୀ ଯନ୍ତ୍ରୀ କେତେ ଦୋଷୀ ସାବ୍ୟସ୍ତ ହୋଇପାରୁଛନ୍ତି ତାହା ଜଣାପଡିବ l