ଭୁବନେଶ୍ୱର ୧୯/୧୨ (ଗୋପାଳକୃଷ୍ଣ ମହାପାତ୍ର,ସମ୍ପାଦକ): ପ୍ରିୟ ପରୀକ୍ଷାର୍ଥୀ ! ମାଟ୍ରିକ୍ ପରୀକ୍ଷା ସମୟ ଆସିଗଲା । ତାରିଖ ସ୍ଥିର ହୋଇଛି ଫେବ୍ରୁଆରୀ ୨୧ ।
ମାଟ୍ରିକ୍ ପରୀକ୍ଷା ଆସୁଛି ମାନେ ‘ପ୍ରମେୟ’ ବି ତା’ର ନୂଆ ‘ମାଟ୍ରିକ୍ ଗାଇଡ୍’ ସାଥିରେ ନେଇ ଆସିବା ସ୍ୱାଭାବିକ ନା ? ଠିକ୍ ସେଇୟା । ପୂରା ୮ ସପ୍ତାହର ‘କ୍ରାସ୍କୋର୍ସ’ । ତୁମ ବାପା-ମା', ଅଭିଭାବକଙ୍କ ସମେତ ଯେଉଁ ବଡ଼ ଭାଇଭଉଣୀମାନେ ଗତ ୮ ବର୍ଷ ଭିତରେ ମାଟ୍ରିକ୍ ପରୀକ୍ଷା ଦେଇଛନ୍ତି ଏବଂ ସର୍ବୋପରି ହାଇସ୍କୁଲ ଶିକ୍ଷକ ଶିକ୍ଷୟିତ୍ରୀମାନେ ସମସ୍ତେ ଏକଥା ଜାଣନ୍ତି । ସବା ଆଗେ ‘ପ୍ରମେୟ’ ଖବରକାଗଜ ହିଁ ୨୦୧୬-୧୭ ଶିକ୍ଷାବର୍ଷରୁ ମାଟ୍ରିକ୍ ଗାଇଡ୍ ନିୟମିତ ପୃଷ୍ଠାଏ ଲେଖାଏଁ ପ୍ରକାଶ କରିବା ଆରମ୍ଭ କରିଥିଲା । ପରୀକ୍ଷାର୍ଥୀମାନେ ଏହି ଗାଇଡ୍ରୁ ସେ ବର୍ଷର ସମ୍ଭାବ୍ୟ ପ୍ରଶ୍ନ ଓ ତା’ର ଉତ୍ତର ପଢ଼ି ପରୀକ୍ଷାରେ ଖୁବ୍ ଭଲ କରିଥିଲେ ।
ସପ୍ତାହର ସାତ ଦିନରୁ ୬ ଦିନରେ ୬ଟି ବିଷୟ (୬୦୦ ମାର୍କ)ର ପୃଷ୍ଠାଏ ଲେଖାଏଁ ପ୍ରଶ୍ନ ଓ ତା’ର ସମାଧାନ । ପ୍ରଶ୍ନ ଓ ଉତ୍ତରଗୁଡ଼ିକ ପ୍ରସ୍ତୁତ କରୁଥିଲେ ବିଭିନ୍ନ ବିଷୟର ସବୁଠୁ ଦକ୍ଷ ଓ ପରୀକ୍ଷା ପ୍ରଶ୍ନପତ୍ର ପ୍ରସ୍ତୁତି ତଥା ପରୀକ୍ଷା ଖାତା ମୂଲ୍ୟାୟନରେ ଅଭିଜ୍ଞ ଥିବା ଶିକ୍ଷକମାନଙ୍କର ଏକ ଟିମ୍ । ଏଥର ତାହା ହିଁ ହେଉଛି- ମାଟ୍ରିକ୍ ଗାଇଡ୍ର ନବମ ସଂସ୍କରଣ ।
ମାଟ୍ରିକ୍ ପରୀକ୍ଷା ହେଉଛି ତୁମମାନଙ୍କ କ୍ୟାରିଅର ଅଭିଯାନର ପ୍ରବେଶ ପଥ । ତେଣୁ ସଫଳତାର ସହିତ ଏହି ପରୀକ୍ଷା ଅତିକ୍ରମ କରିବା ନିହାତି ଜରୁରି । ତୁମେମାନେ ପ୍ରସ୍ତୁତ ।
‘ପ୍ରମେୟ’ ବି ମାଟ୍ରିକ୍-ଗାଇଡ୍ ସହିତ ପ୍ରସ୍ତୁତ । ଶୁଭେଚ୍ଛା ସମସ୍ତଙ୍କୁ।
