ଭୁବନେଶ୍ବର,୦୩/୦୭: ବଳଙ୍ଗା ପୀଡିତାଙ୍କ ମୃତ୍ୟୁ ପରେ ରାଜ୍ୟ ସରକାରଙ୍କୁ ଘେରିଲା କଂଗ୍ରେସ । ୬ ଦିନ ପୂର୍ବରୁ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ସୂଚନା ଦେଇଥିଲେ ନାବାଳିକା ପୀଡ଼ିତା ଧୀରେ ଧୀରେ ସୁସ୍ଥ ହେଉଛନ୍ତି । ହେଲେ ଏବେ କିପରି ତାଙ୍କ ମୃତ୍ୟୁ ହେଲା ତାକୁ ନେଇ ପ୍ରଶ୍ନ ଉଠାଇଛି କଂଗ୍ରେସ । ଏହା ଆତ୍ମହତ୍ୟା ନୁହେଁ ବରଂ ଷଡଯନ୍ତ୍ର କରି ହତ୍ୟା କରାଯାଇଛି । ନାବାଳିକାଙ୍କ ବାପା କହୁଛନ୍ତି, ଝିଅର ମାନସିକ ସ୍ଥିତି ଠିକ ନଥିଲା । ଏହାକୁ ନେଇ ଅଜଥା ରାଜନୀତି କରାନଯାଉ । ଅନ୍ୟପଟେ ପୁଲିସ କହୁଛି ଏହି ଘଟଣାର ତଦନ୍ତ ଅନ୍ତିମ ପର୍ଯ୍ୟାୟରେ ପହଞ୍ଚିଛି । ଏଥିରେ କାହାର ସମ୍ପୃକ୍ତି ନାହିଁ । ସରକାର ଦୋଷୀଙ୍କୁ ନଧରି ଏହି ମାମଲାକୁ ଚାପି ଦେବାକୁ ଚାହୁଁଛନ୍ତି । ଆସନ୍ତା ୭ ଦିନ ଭିତରେ ୩ ଅଭିଯୁକ୍ତ ଗିରଫ ନହେଲେ କଂଗ୍ରେସ ଡିଜିପିଙ୍କ ଅଫିସ୍ ଘେରାଉ କରିବ ବୋଲି ଚେତାବନୀ ଦେଇଛି। ଏହି ସାମ୍ବାଦିକ ସମ୍ମିଳନୀରେ କଂଗ୍ରେସ ନେତ୍ରୀ ମଧୁସ୍ମିତା ଆଚାର୍ଯ୍ୟ ଏବଂ ମନୀଷା ଦାସ ପଟ୍ଟନାୟକ ଉପସ୍ଥିତ ଥିଲେ ।