କେନ୍ଦୁଝର ୧୩/୦୫: କେନ୍ଦୁଝର ଜିଲ୍ଲା କୁସୁମିତା ଠାରେ ବିପ୍ଳବୀ ଧରଣୀ ଧର ନାଏକଙ୍କ ରାଜ୍ୟ ସ୍ତରୀୟ ଜୟନ୍ତୀ ସମାରୋହ ପାଳନ କରଯାଇଥିଲା। ଏହି ସମାରୋହରେ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝି ମୂଖ୍ୟ ଅତିଥି ଭାବେ ଯୋଗ ଦେଇଥିଲେ। କାର୍ଯ୍ୟକ୍ରମରେ ବ୍ଲକର ୬ ପିଢ଼ର ଭୂୟାଁ ସର୍ଦାର ମାନଙ୍କ ସହ ବ୍ଲକରୁ ୬ ହଜାରରୁ ଅଧିକ ଜନସାଧାରଣ ଯୋଗ ଦେଇଥିଲେ। ତେବେ ଏହି କାର୍ଯ୍ୟକ୍ରମରେ ବ୍ଲକର ଅଧିକାଂଶ ଭୂୟାଁ ଜନଜାତିର ନିର୍ବାଚିତ ଜନ ପ୍ରତିନିଧି ଓ ବ୍ଲକ ଅଧ୍ୟକ୍ଷ ମାନସ କୁମାର ଦେହୁରୀଙ୍କୁ ଡକା ଯାଇ ନଥିଲା।
ତେବେ କାର୍ଯ୍ୟକ୍ରମରେ ସାମିଲ ହୋଇ ନ ପାରିବାରୁ ଅଧ୍ୟକ୍ଷ ମାନସ କୁମାର ଦେହୁରୀ କ୍ଷୋଭ ପ୍ରକାଶ କରିବା ସହ ରାଗି ଯାଇଥିଲେ। ସେ ରାଗି ଯାଇ ୭ତାରିଖ ଅପରାହ୍ନରେ ବାଂଶପାଳ ବ୍ଲକ କାର୍ଯ୍ୟାଳୟରେ ପଶି ମୁଖ୍ୟ ଫାଟକର କାଚ ଭାଙ୍ଗି ଦେବା ସହ ହୋ ହାଲ୍ଲା କରିଥିବା ଅଭିଯୋଗ ହୋଇଛି। ସନ୍ଧ୍ୟାରେ ବିଡିଓ ରାଜା ରଞ୍ଜିତ ପ୍ରସାଦ ବଳ କାର୍ଯ୍ୟାଳୟକୁ ଆସି ଦେଖିବା ପରେ ଉପରିସ୍ଥ ଅଧିକାରୀ ଓ ପୋଲିସ କୁ ଏ ନେଇ ଜଣାଇଥିଲେ। ଏଥିନେଇ ବିଜେଡି ଦଳର ବ୍ଲକ୍ ଅଧ୍ୟକ୍ଷଙ୍କ ବିରୋଧରେ ନୟାକୋଟ ଥାନାରେ ମାମଲା ରୁଜୁ ହୋଇଥିଲା । ବ୍ଲକ ଅଧ୍ୟକ୍ଷା ଗିରଫ ଭୟରେ ଫେରାର ଥିଲେ । ପୁଲିସ ତାଙ୍କୁ ଭୁବନେଶ୍ୱରରୁ ଗିରଫ କରିଛି।
