ନୂଆଦିଲ୍ଲୀ,୨।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କୁ ଇହୁଦି ନବବର୍ଷ ’ରୋଶ ହଶାନା’ର ଶୁଭେଚ୍ଛା ବାର୍ତ୍ତା ପ୍ରଦାନ କରିଛନ୍ତି। ଏହି ଅବସାରେ ନେତନ୍ୟାହୁ ଓ ଇସ୍ରାଏଲର ଜନତାଙ୍କୁ ମୋଦି ଶାନ୍ତି, ସମୃଦ୍ଧି ଓ ଭଲ ସ୍ବାସ୍ଥ୍ୟ କାମନା କରିଛନ୍ତି। ସୋସିଆଲ ମିଡିଆରେ ଶୁଭେଚ୍ଛା ଦେଇ ମୋଦି ଇହୁଦି ଧର୍ମର ପ୍ରାଚୀନ ଭାଷା ହିବ୍ରୁ ଓ ଇଂରାଜୀରେ ବାର୍ତ୍ତା ଲେଖିଛନ୍ତି। ମୋଦି ଲେଖିଛନ୍ତି ‘ଇହୁଦି ନବବର୍ଷ ‘ରୋଶ ହଶାନା’ ଅବସରରେ ମୋ ବନ୍ଧୁ ବେଞ୍ଜାମିନ ନେତନ୍ୟାହୁ ଓ ଇସ୍ରାଏଲର ଜନତାଙ୍କୁ ମୋର ହାର୍ଦ୍ଧିକ ଶୁଭେଚ୍ଛା। ମୁଁ ଇସ୍ରାଏଲର ସବୁ ଲୋକଙ୍କ ପାଇଁ ଶାନ୍ତି, ସମୃଦ୍ଧି ଓ ଭଲ ସ୍ବାସ୍ଥ୍ୟ ପାଇଁ ପ୍ରାର୍ଥନା କରୁଛି। ’ଶନ୍‌ ଟୋଭା।’

‘ରୋଶ୍ ହଶାନା’ ଇହୁଦି ଧର୍ମର ନବବର୍ଶ ଓ ଏହା ଇହୁଦି କ୍ୟାଲେଣ୍ଡର ଅନୁସାରେ, ତୃତୀୟ ମାସର ପ୍ରଥମ ଦିନରୁ ଆରମ୍ଭ ହୋଇଥାଏ, ଯାହାକି ସାଧାରଣତଃ ସେପ୍ଟେମ୍ବର କିମ୍ବା ଅକ୍ଟୋବରରେ ରହିଥାଏ। ଏହି ପର୍ବ ଇହୁଦୀଙ୍କ ପାଇଁ ଆତ୍ମଚିନ୍ତନ, ପ୍ରାର୍ଥନା ଓ ଭଲ ଭବିଷ୍ୟତର ଆରମ୍ଭର ପ୍ରତୀକ। ଏହାକୁ ‘ସୃଷ୍ଟିର ଦିନ’ ରୂପରେ ମନେକରାଯାଏ।କାରଣ ମନେକରାଯାଏ ଯେ, ଏହି ଦିନ ଭଗବାନ ଦୁନିଆର ରଚନା କରିଥିଲେ।

‘ରୋଶ ହଶନା’ ଦୁଇ ଦିନ ପର୍ଯ୍ୟନ୍ତ ପାଳନ କରାଯାଏ ଓ ଏହା ଧାର୍ମିକ ଏବଂ ଆଧ୍ୟାହତ୍ମକ ଅନୁଷ୍ଠାନ ଭରା ରହିଥାଏ। ଏହି ସମୟରେ ବିଶେଷ ପ୍ରାର୍ଥନା କରାଯାଇଥାଏ ଓ ଶଫ୍‌ର(ଏକ ପ୍ରକାର ସିଙ୍ଘ’) ଫୁଙ୍କା ଯାଇଥାଏ, ଯାହାକି ଆତ୍ମ ଜାଗୃତି ଓ ଆଧ୍ୟାତ୍ମିକ ଶୁଦ୍ଧିକରଣର ପ୍ରତୀକ।