ନୂଆଦିଲ୍ଲୀ,୨୭/୦୪: ପହଲଗାମରେ ହୋଇଥିବା ଆତଙ୍କୀ ଆକ୍ରମଣ ଦେଶବାସୀଙ୍କୁ ଦୁଃଖ ଦେଇଛି । ଏହି ହମଲାକୁ ନେଇ ଦେଶବାସୀଙ୍କ ମନରେ ଆକ୍ରୋଶ ଦେଖା ଦେଇଛି । ଏଭଳି ଘଟଣାକୁ ନେଇ ସାରା ବିଶ୍ୱରେ ସମବେଦନା ଦେଖା ଦେଇଛି । ପହଲଗାମ ପୀଡ଼ିତଙ୍କୁ ନ୍ୟାୟ ନିଶ୍ଚିନ୍ତ ମିଳିବ । ଭାରତୀୟଙ୍କ ରକ୍ତ ଗମର ଅଛି ଆତଙ୍କୀକୁ କଡ଼ା ଜବାବ୍ ଦିଆଯିବ । ୧୨୧ତମ ମନ୍ କି ବାତ୍କୁ ସମ୍ବୋଧନ କରି ଏହା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ମନ୍ କି ବାତ୍ କାର୍ଯ୍ୟକ୍ରମକୁ ସମ୍ବୋଦନ କରି ପ୍ରଧାନମନ୍ତ୍ରୀ କହିଛନ୍ତି, ''ପହଲଗାମ ପୀଡ଼ିତଙ୍କ ପରିବାରକୁ ନ୍ୟାୟ ମିଳିବ । ଜମ୍ମୁକାଶ୍ମୀର ବିକାଶକୁ ସହ୍ୟ କରିପାରୁ ନାହାନ୍ତି ଆତଙ୍କବାଦୀ । ଆତଙ୍କୀଙ୍କୁ କଡା ଜବାବ ଦିଆଯିବ । ଆକ୍ରମଣକାରୀ ଏବଂ ଷଡଯନ୍ତ୍ରରେ ସାମିଲ ବ୍ୟକ୍ତିଙ୍କୁ କଠୋର ଦଣ୍ଡ ମିଳିବ । ଏକତା ହିଁ ଆମର ବଡ଼ ଶକ୍ତି । ଆତଙ୍କବାଦ ବିରୋଧରେ ସାରା ଦେଶ ଏକାଠୀ ହୋଇଛି । ଆତଙ୍କବାଦୀଙ୍କ ବିରୋଧରେ ସାରା ବିଶ୍ୱର ସମର୍ଥନ ମିଳିଛି । ବିଶ୍ୱ ନେତା ମୋତେ ଫେନ୍ ଓ ଚିଠି ଲେଖିଛନ୍ତି । ପହଲଗାମ ଆକ୍ରମଣକୁ ନେଇ ଭାରତୀୟଙ୍କ ମନରେ ଆକ୍ରୋଶ ଦେଖା ଦେଇଛି । ଦେଶବାସୀଙ୍କ ରକ୍ତ ଗରମ ଅଛି ଆତଙ୍କୀଙ୍କୁ କଡ଼ା ଜବାବ ଦିଆଯିବ ।''
ପ୍ରଧାନମନ୍ତ୍ରୀ ମନ୍ କି ବାତ୍ରେ ଆହୁରି କହିଛନ୍ତି, ପହଲଗାମରେ ହୋଇଥିବା ଆତଙ୍କୀ ଆକ୍ରମଣ କାୟରତାକୁ ଦେଖାଉଥିଲା । କାଶ୍ମୀରରେ ଶାନ୍ତି ଫେରୁଥିଲା । ଲୋକତନ୍ତ୍ର ମଜବୁତ ହେଉଥିଲା । ଯୁବଗୋଷ୍ଠୀଙ୍କ ପାଇଁ ଅବସର ସୃଷ୍ଟି ହେଉଥିଲା । ନିର୍ମାଣକାର୍ଯ୍ୟରେ ଅଦ୍ଭୂତପୂର୍ବ ଗତି ଆସିଥିଲା । ପର୍ଯ୍ୟଟକଙ୍କ ସଂଖ୍ୟାରେ ରେକର୍ଡ ହେଉଥିଲା । ରୋଜଗାର ବଢୁଥିଲା । ଦେଶ ଓ ଜମ୍ମୁକାଶ୍ମୀର ଶତ୍ରୁ ଏହାକୁ ସହି ପାରୁନଥିଲେ । କାଶ୍ମୀର ପୁଣି ଧ୍ୱଂସ ହୋଇଯାଆନ୍ତୁ ବୋଲି ଚାହୁଁଛନ୍ତି ଶତ୍ରୁ । ତେଣୁ ସେମାନେ ଏତେବଡ଼ ଷଡଯନ୍ତ୍ର କରିଥିଲେ । ଆତଙ୍କବାଦ ବିରୋଧରେ ୧୪୦କୋଟି ଭାରତୀୟଙ୍କ ଏକଜୁଟତା ଆମର ସୁବୁଠୁ ବଡ ଶକ୍ତି । ଏହା ଆତଙ୍କବାଦ ବିରୋଧରେ ନିର୍ଣ୍ଣାୟକ ଲଢେଇର ଆଧାର । ଏକ ରାଷ୍ଟ୍ର ରୂପରେ ଦୃଢ ଇଚ୍ଛାଶକ୍ତି ଦେଖାଇବାକୁ ପଡିବ ।''
