ନମୌଜା, ୧୭।୮: କୁମ୍ଭୀର ଆକ୍ରମଣର ଶିକାର ମଇଁଷି ପଲ । ମିଳିଲା ୩୦ ମୃତଦେହ, ୪୦ମଇଁଷି ଏବେବି ନିଖୋଜ । କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକରୁ ଏଭଳି ଅଭାବନୀୟ ଖବର ସାମ୍ନାକୁ ଆସିଛି । ରବିବାର ଏକମାଣିଆ ପଞ୍ଚାୟତର କିଛି ମଇଁଷି ନାଳ ହୁଡ଼ାରେ ଚରୁ ଥିବାବେଳେ କୁମ୍ଭୀର ପଲ ଆକ୍ରମଣ କରିଥିଲେ । ଫଳରେ ଭୟଭୀତ ହୋଇ କୁମ୍ଭୀରମାନେ ନାଳରେ ପଶିଯାଇଥିଲେ । ଏହାର ସୁଯୋଗ ନେଇ କିଛି ମଇଁଷିଙ୍କୁ କୁମ୍ଭୀର ମାନେ ଟାଣି ନେଇଥିଲେ । ଏନେଇ ଗ୍ରାମବାସୀ ଖବର ଜାଣିବା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ମୃତ ମଇଁଷିଙ୍କୁ ଉଦ୍ଧାର କରିବା ସହ ନିଖୋଜ ମଇଁଷିମାନଙ୍କୁ ଖୋଜୁଛି । 

ସୂଚନାନୁସାରେ, ସବୁଦିନ ଭଳି ଏକମାଣିଆ ଗାଁର ଗଣେଶ ଦାସଙ୍କର ୩୦ ମଇଁଷି, ଜଗନ୍ନାଥ ଦାସଙ୍କ ୩୦ ଏବଂ ନଳପାହି ଗାଁର ପରମାନନ୍ଦ ବିଶ୍ୱାଳଙ୍କ ୧୨ ମଇଁଷି ଚରିବାକୁ ଯାଇଥିଲେ l ମଇଁଷିମାନେ ନଦୀ ସଲଗ୍ନ ନାଳ ପାର୍ଶ୍ଵରେ ଚରୁଥିବା ସମୟରେ ହଠାତ୍ ନଦୀରୁ କୁମ୍ଭୀର ପଲ ସେମାନଙ୍କୁ ଆକ୍ରମଣ କରିଥିଲେ  । ମଇଁଷିମାନେ ଭୟଭୀତ ହୋଇ ଦକ୍ଷିଣଡିହା ଗାଁ ଦେଇ ଯାଇଥିବା ନାଳ ଭିତରକୁ ପଶିଯାଇଥିଲେ l ତେବେ କୁମ୍ଭୀର ଆକ୍ରମଣରେ ୩୦ଟି ମଇଁଷଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଦମଳକଳ ବାହିନୀ ମୃତଦେହକୁ ଉଦ୍ଧାର କରି ନିଖୋଜ ମଇଁଷିଙ୍କୁ ଖୋଜାଖୋଜି କରୁଛି ।