କଟକ,୧୪/୧୧ : କଟକ ପୋଲିସ ମୁଖ୍ୟାଳୟରେ ଥିବା କ୍ରାଇମବ୍ରାଞ୍ଚ କାର୍ଯ୍ୟାଳୟରେ ଚୋରି ଓ ହଜିଯାଇଥିବା ମୋଵାଇଲ ହସ୍ତାନ୍ତର ମେଳା ଆୟୋଜିତ ହୋଇଛି । ବିଭିନ୍ନ ସମୟରେ ଓଡ଼ିଶାର ବିଭିନ୍ନ ସ୍ଥାନରେ ହଜିଥିଵା ବା ଚୋରି ଯାଇଥିବା ମୋବାଇଲ ଗୁଡିକୁ କ୍ରାଇମବ୍ରାଞ୍ଚ ତରଫରୁ ସିଇଆଇଆର ବା ସେଣ୍ଟ୍ରାଲ ଇକ୍ବିପମେଣ୍ଟ ଆଇଡେଣ୍ଟିଟି ରେଜିଷ୍ଟର ପୋର୍ଟାଲ ପ୍ରୟୋଗରେ ୧୨୩ଟି ମୋବାଇଲକୁ ଉଦ୍ଧାର କରାଯାଇଛି। 

ଯେ କୌଣସି ଚୋରି ହୋଇଥିବା ବା ହଜିଥିବା ମୋବାଇଲ ଅନ୍ୟ କୌଣସି ସିମ୍ ପକାଇ ଵ୍ୟଵହାର କଲେ ଏହି ସିଇ ଆଇଆର ପୋର୍ଟାଲ ମାଧ୍ୟମରେ କ୍ରାଇମବ୍ରାଞ୍ଚକୁ ସୂଚନା ମିଳିଥାଏ। ଏହିପରି ଭାବେ କ୍ରାଇମବ୍ରାଞ୍ଚ ୧୨୩ଟି ମୋବାଇଲ ଉଦ୍ଧାର କରିଵା ସହ ପୋଲିସ ଡିଜି ଯୋଗେଶ ବାହାଦୁର ଖୁରାନିଆ ଅଭିଯୋଗକାରୀମାନଙ୍କୁ କ୍ରାଇମବ୍ରାଞ୍ଚ କାର୍ଯ୍ୟାଳୟରେ ମୋବାଇଲ ଗୁଡିକୁ ହସ୍ତାନ୍ତର କରିଥିଲେ।