ନୂଆଦିଲ୍ଲୀ: ନେପାଳ ବିଦେଶ ମନ୍ତ୍ରୀ ଆରଜୁ ରାଣା ଦେଉବାଙ୍କୁ ନେଇ କାଠମାଣ୍ଡୁ ଯାଉଥିବା କତାର ଏୟାରୱେଜର ବିମାନକୁ ଶୁକ୍ରବାର କୋଲକାତା ଆଡକୁ ଡାଇଭର୍ଟ କରାଯାଇଛି। ସୂଚନା ମୁତାବକ, ଖରାପ ପାଣିପାଗ କାରଣରୁ ତ୍ରିଭୂବନ ଅନ୍ତରାଷ୍ଚ୍ରୀୟ ବିମାନ ବନ୍ଦରରେ ବିମାନଟି ଅବତରଣ କରିବା ପାଇଁ ଅନୁମତି ମିଳି ନଥିଲା। ଅବତରଣ କରିବା ପ୍ରୟାସ ବିଫଳ ହେବାପରେ ବାଧ୍ୟ ହୋଇ ବିମାନ ବନ୍ଦର କତ୍ତୃପକ୍ଷ ବିମାନଟିକୁ କୋଲକାତାକୁ ଡାଇଭର୍ଟ କରିଦେଇଥିଲେ। ତେବେ ୬୩ ବର୍ଷିୟ ଦେଉବା ଜେନେଭାଠାରେ ହେଉଥିବା ସଂଯୁକ୍ତ ରାଷ୍ଟ୍ରର ବୈଠକରେ ଭାଗନେବା ପରେ ବିମାନ ଯୋଗେ ନେପାଳ ଫେରୁଥିଲେ।
ତିଭୂବନ ଅନ୍ତରାଷ୍ଚ୍ରିୟ ବିମାନ ବନ୍ଦର ଦେଇଥିବା ବୟାନ ମୁତାବକ, ପଶ୍ଚିମା ଲଘୁ ଚାପ କାରଣରୁ ଶୁକ୍ରବାର ସକାଳେ କାଠମାଣ୍ଡୁରେ ହଲ୍କା ବର୍ଷା ହୋଇଥିଲା। ଯାହାଫଳରେ ଦୃଶ୍ୟାତା କମ ହୋଇଯାଇଥିଲା। ଏଣୁ ଦୋହାରୁ ନେପାଳକୁ ଆସୁଥିବା କତାର ଏୟାରୱେଜର ଏକ ବିମାନ ନେପାଳକୁ ନଆସି କୋଲକାତା ବିମାନବନ୍ଦରରେ ଅବତରଣ କରିଛି।
ତେବେ କୋଲକାତା ବିମାନ ବନ୍ଦରରେ ଅବତରଣ କରିଥିବା ବିମାନ ନେପାଳର ପାଣିପାଗ ଠିକ ହେଲେ ଫୁଣି ନେପାଳ ପାଇଁ ଉଡାଣ ଭରିବ ବୋଲି ବିମାନବନ୍ଦର କତ୍ତୃପକ୍ଷ ସୂଚନା ଦେଇଛନ୍ତି। ତେବେ ଦେଉବାଙ୍କୁ ଛାଡି ବିମାନରେ ଥିବା ଅନ୍ୟ ଯାତ୍ରୀଙ୍କ ବିଷୟରେ କୌଣସି ସୂଚନା ମିଳିପାରି ନାହିଁ।
