ମୁମ୍ବାଇ,୨୦/୦୫: ଚିନ୍ତା ବଢାଇଲାଣି କରୋନାର ନୂଆ ଭାରିଆଣ୍ଟ । ପୁଣି ଜୀବନ ନେଲା କରୋନା ଭାଇରସ୍ । ମୁମ୍ବାଇରେ କରୋନା ଆତଙ୍କ ଦେଖିବାକୁ ମିଳିଛି । ୫୩ଜଣ ପଜିଟିଭ ହୋଇଥିବା ବେଳେ ୨ ଜଣଙ୍କର ମୃତ୍ୟୁ ହୋଇଛି । ମୁମ୍ବାଇର କେଇଏମ୍ ହସ୍ପିଟାଲରେ ଦୁଇ କରୋନା ସଂକ୍ରମିତଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଉଭୟଙ୍କ ସ୍ୱାସ୍ଥ୍ୟବସ୍ଥା ଗୁରୁତର ରହିଥିଲା । ଜଣେ ମୁଖ କର୍କଟ ଓ ଅନ୍ୟଜଣେ ନେଫ୍ରୋଟିକ୍ ସିଣ୍ଡ୍ରୋମ୍ରେ ପୀଡ଼ିତ ଥିଲେ । ମୁମ୍ବାଇରେ କରୋନା ପିଜିଟିଭି କେସ୍ ବଢିବାରୁ ସ୍ୱାସ୍ଥ୍ୟ ବିଭାଗ ଆଲର୍ଟରେ ରହିଛି ।
ମହାରାଷ୍ଟ୍ରରେ କରୋନା ଭାଇରସ୍ ମାମଲା ବଢିବା ସ୍ୱାସ୍ଥ୍ୟ ବିଭାଗର ଚିନ୍ତା ବଢାଇଛି । ମୁମ୍ବାଇ ମହାନଗରପାଳିକା କ୍ଷେତ୍ରରେ ଏବେ ସୁଦ୍ଧା ୫୩ କରୋନା ପଜିଟିଭ ଚିହ୍ନଟ ହୋଇଛନ୍ତି । ଦୁଇ କୋଭିଡ଼ ସଂକ୍ରମିତଙ୍କର ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି । ଦୁଇଜଣଙ୍କର ସ୍ୱାସ୍ଥ୍ୟବସ୍ଥା ପୂର୍ବରୁ ଗୁରୁତର ରହିଥିଲା । ପଜିଟିଭି ମାମଲା ବଢିବାରୁ ସ୍ୱାସ୍ଥ୍ୟ ବିଭାଗ ସମେତ ହସ୍ପିଟାଲଗୁଡ଼ିକ ଆଲର୍ଟରେ ରହିଛନ୍ତି । ଡାକ୍ତରଖାନାରେ କୋଭିଡ ସଂକ୍ରମିତଙ୍କ ପାଇଁ ସମସ୍ତ ସ୍ୱାସ୍ଥ୍ୟ ସୁବିଧା ଉବଲବ୍ଧ ରହିଛି । ସେବନ ହିଲ୍ସ ହସ୍ପିଟାଲରେ ଏମଆଇସିୟୁର ବ୍ୟବସ୍ଥା ହୋଇଛି । ମହାରାଷ୍ଟ୍ର ସମେତ କେରଳରେ ୬୯ କୋଭିଡ ପଜିଟିଭ ରହିଥିବା ବେଳେ ତାମିଲନାଡୁରେ ୩୪ଜଣ ନୂଆ ସଂକ୍ରମିତ ରହିଛନ୍ତି । ଦେଶର ବର୍ତ୍ତମାନ ୨୫୭ ସକ୍ରିୟ ମାମଲା ରହିଛି ।
Mumbai's KEM Hospital reported two Covid-19 positive deaths, both patients having underlying serious health conditions. One patient had oral cancer, while the other suffered from nephrotic syndrome. Both the deaths were attributed to their pre-existing conditions rather than…
— ANI (@ANI) May 20, 2025
୫ ବର୍ଷ ପର ପୁଣି ଚିନ୍ତା ବଢ଼ାଇଲାଣି କରୋନାର ନୂଆ ଭାରିଆଣ୍ଟ । ସିଙ୍ଗାପୁର, ହଂକଂ, ଚୀନ ଓ ଥାଇଲାଣ୍ଡରେ ନୂଆ ଭାରିଆଣ୍ଟ ଯୋଗୁଁ ସଂକ୍ରମଣ ବଢ଼ିବାରେ ଲାଗିଛି । ସିଙ୍ଗାପୁରରେ ମେ' ୧ରୁ ୧୯ ମଧ୍ୟରେ ୩ ହଜାର ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଏପ୍ରିଲ ଶେଷ ସପ୍ତାହରେ ଏହି ସଂଖ୍ୟା ୧୧,୧୦୦ ଥିଲା । ଜାନୁଆରୀରେ ଏପର୍ଯ୍ୟନ୍ତ ୮୧ ନୂଆ ମାମଲା ଚିହ୍ନଟ ହୋଇଛି । ୩୦ ଜଣଙ୍କର ମୃତ୍ୟୁ ହୋଇଛି । ନୂଆ ଭାରିଆଣ୍ଟ ଜେଏନ୍-୧ ଏବଂ ଏହାର ସବ୍ ଭାରିଆଣ୍ଟ ଏଲ୍ଏଫ୭ ଏବଂ ଏନ୍ବି୧.୮ ବୋଲି କୁହାଯାଉଛି ।
କୋଭିଡ଼-୧୯ ଲକ୍ଷଣ- ମୁଖ୍ୟତଃ ଜ୍ୱର, କାଶ, ଗଳାରେ ଯନ୍ତ୍ରଣା ହେବା, ଥକା ଲାଗିବା, ଶରୀରରେ ପୀଡ଼ା ହେବା, ମୁଣ୍ଡ ବିନ୍ଧିବା ଇତ୍ୟାଦି କୋଭିଡର ଲକ୍ଷଣ ହୋଇଥାଏ । ଏହା ସହିତ ଥଣ୍ଡା, ନାକରୁ ପାଣି ବାହାରିବା, ସ୍ୱାଦ ନଜାଣି ପାରିବା ପରି ଲକ୍ଷଣ ଦେଖିବାକୁ ମିଳିଥାଏ । ନିଶ୍ୱାସପ୍ରଶ୍ୱାସ ନେବାରେ ମଧ୍ୟ କଷ୍ଟ ହୁଏ । ଏମିତି କିଛି ଲକ୍ଷଣ ଦେଖିବାକୁ ମିଳିଲେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।
