ନୂଆଦିଲ୍ଲୀ,୨୦।୫: ପାକିସ୍ତାନର ବହୁ ଅନୁରୋଧ ପରେ ଆଇଏମ୍ଏଫ୍ରୁ ଏକ ଅରବ ଡଲାର ଲୋନ୍ ମିଳିଥିଲା। ଦୀର୍ଘ ସମୟ ଧରି ପାକିସ୍ତାନ ଓ୍ବାର୍ଲ୍ଡ ବ୍ୟାଙ୍କ, ଆଇଏମ୍ଏଫ୍ ଓ ଚୀନ୍ ଭଳି ଦେଶରୁ ଋଣ ନେଇ ତା ସାହାରାରେ ଚାଲିଛି। ବହୁବାର ସାଉଦି ଆରବରୁ ମଧ୍ୟ ତାକୁ ଶସ୍ତା ତେଲ ଓ ଆର୍ଥିକ ସାହାଯ୍ୟ ମିଳୁଥିଲା। କିନ୍ତୁ ଏହାର ବଦଳରେ ତା’ର ସାର୍ବଭୌମତ୍ବ ଲଗାତାର ହ୍ରାସ ପାଇବାରେ ଲାଗିଛି। ଏପରିକି ସେ ନିଜ ଦେଶର ବଜେଟ୍ ମଧ୍ୟ ନିଜେ ଧାର୍ଯ୍ୟ କରିପାରୁନି। ୨ ଜୁନ୍ରେ ପାକିସ୍ତାନ ପକ୍ଷରୁ ଦେଶର ବଜେଟ୍ ଆଗତ କରିବାର ପ୍ରସ୍ତୁତି ଚାଲିଛି ଓ ଏହା ପୂର୍ବରୁ ଆଇଏମ୍ଏଫ୍ ସହ ଚର୍ଚ୍ଚା କରିବ। ଏହାପରେ ଯାଇ ପ୍ରସ୍ତାବ ଧାର୍ଯ୍ୟ କରାଯିବ। ଆଇଏମ୍ଏଫ୍ର ଏକ ଟିମ୍ ସୋମବାର ଇସଲାମାବାଦରେ ପହଁଞ୍ଚିଥିଲା। ଏବେ ପାକିସ୍ତାନର ଅର୍ଥମନ୍ତ୍ରଣାଳୟ ଅଧିକାରୀ ପ୍ରଥମେ ଆଇଏମ୍ଏଫ୍ର ଟିମ୍ର ପରାମର୍ଶ ନେବ ଓ ଏହାପରେ ବଜେଟ୍ ଫାଇନାଲ ହେବ।
ସୁତ୍ରରୁ ମିଳିଥିବା ସୂଚନା ଅନୁସାରେ, ଆଇଏମ୍ଏଫ୍ ଧାର୍ଯ୍ୟ କରିବ ପାକିସ୍ତାନରେ ଇନଫ୍ରାଷ୍ଟ୍ରକଚର ପାଇଁ କେତେ ଫଣ୍ଡ ଧାର୍ଯ୍ୟ କରାଯିବ। ପୂର୍ବରୁ ଚାଲିଆସିଥିବା ଋଣ ସୁଧା ପରିଶୋଧ କରିବାରେ କେତେ ଟଙ୍କା ଧାର୍ଯ୍ୟ ହେବ ଓ ସୁଧାର ଉପରେ କ’ଣ ଖର୍ଚ୍ଚ ହେବ। ଏହା ପୂର୍ବରୁ ମଧ୍ୟ ଗତ କଛି ବର୍ଷ ହେବ ପାକିସ୍ତାନର ବଜେଟ୍କୁ ତିଆରି କରିବାରେ ଆଇଏମ୍ଏଫ୍ ଦଖଲ ଦେଉଛି। ଆଇଏମ୍ଏଫ୍ର କହିବା ଅନୁସାରେ, ପାକିସ୍ତାନର ବଜେଟ୍ ଏଭଳି ରହିବା ଦରକାର। ଯେଉଁଥିରେ ଆର୍ଥିକ ସ୍ଥିରତା ସୁନିଶ୍ଚିତ କରିହେବ। ଏହାଛଡା ଏକ ବଫର ମଧ୍ୟ ତିଆରି କରାଯିବ। ଉଲ୍ଲେଖନୀୟ ଯେ, ଆଇଏମ୍ଏଫ୍ ପାକିସ୍ତାନକୁ ନୂଆ କିସ୍ତି ଜାରି କରିବା ପୂର୍ବରୁ ୧୧ ନୂଆ ସର୍ତ୍ତ ମଧ୍ୟ ରଖିଥିଲା। ଏଭଳି ଭାବରେ ଆଇଏମ୍ଏଫ୍ ପକ୍ଷରୁ ଏପର୍ଯ୍ୟନ୍ତ ପାକିସ୍ତାନ ଉପରେ ମୋଟ ୫୦ଟି ସର୍ତ୍ତ ଲଦି ଦିଆଯାଇଛି। '
ଆଇଏମ୍ଏଫ୍ର ସର୍ତ୍ତ ଅନୁସାରେ, ପାକିସ୍ତାନର ମୋଟ ବଜେଟ୍ ୧୭.୬ ଟ୍ରିଲିୟନ ଟଙ୍କାର ହେବ। ଏହାଛଡା ତାକୁ ୧.୦୭ ଟ୍ରିଲିୟନ ଟଙ୍କାର ବିକାଶ ଉପରେ ଖର୍ଚ୍ଚ କରିବର ଅଧିକାର ହେବ। ଏହାଛଡା ଟ୍ୟାକ୍ସ ଢାଞ୍ଚାକୁ ମଜବୁତ କରିବା ଓ ଏଗ୍ରିକଲଚର ଇନକମ୍ ଉପରେ ଟ୍ୟାକ୍ସ ଲଗାଇବାର ପ୍ରସ୍ତାବ ରଖାଯାଇଛି। କେବଳ ସେତିକି ନୁହେଁ ଆଇଏମ୍ଏଫ୍ର ସର୍ତ୍ତ ଆଧାରରେ ପାକିସ୍ତାନ ସରକାରଙ୍କୁ ଗର୍ଭନେନ୍ସ ଆକ୍ସନ ପ୍ଲାନ୍ ମଧ୍ୟ ପ୍ରକାଶିତ କରିବାକୁ ହେବ। ଏହା ଏଥିପାଇଁ କରାଯିବ ଯେପରି ପାକିସ୍ତାନ ସରକାରଙ୍କୁ ଯାହା ସୁଧାର କରିବାର ଅଛି, ତା ଉପରେ ଜନତାଙ୍କର ମଧ୍ୟ ନଜର ରହିଛି। କେବଳ ସେତିକି ନୁହେଁ ବିଜୁଳି ଦର ଛାଡ ଉପରେ ମଧ୍ୟ ଲଗାମ ଲଗାଯାଇଛି ଓ ଆବଶ୍ୟକତାଠାରୁ ଅଧିକ ଛାଡ ପାକିସ୍ତାନ ସରକାର ନିଜ ଜନତାକୁ ଦେଇପାରିବେନି।
