ନୂଆଦିଲ୍ଲୀ: ରାକ୍ସୌଲ ରେଳ ଷ୍ଟେସନରେ ମଇ ୧୩ ତାରିଖ ସକାଳେ ରେଳ ସୁରକ୍ଷା ବଳ(ଆରପିଏଫ) ଏକ ସଫଳ ଅଭିଯାନ ଚଳାଇ ଚାରି ନାବାଳିକାଙ୍କୁ ମାନବ ଚାଲାଣରୁ ଉଦ୍ଧାର କରିଛି। ୧୩ ରୁ ୧୭ ବର୍ଷ ବୟସର ଏହି ଝିଅମାନଙ୍କୁ ଆରପିଏଫ, ଜିଆରପି ରାକ୍ସୌଲ, ଏସଏସବି ଆଣ୍ଟି-ହ୍ୟୁମାନ ଟ୍ରାଫିକିଂ ୟୁନିଟ, ରେଳ ଚାଇଲ୍ଡଲାଇନ-ରାକ୍ସୌଲ ଏବଂ ଏନଜିଓ "ପ୍ରୟାସ ଜୁଭେନାଇଲ ଏଡ ସେଣ୍ଟର" ସହଯୋଗରେ ରାକ୍ସୌଲ-ଆନନ୍ଦ ବିହାର ସତ୍ୟାଗ୍ରହ ଏକ୍ସପ୍ରେସରୁ ଉଦ୍ଧାର କରାଯାଇଛି।
ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ନେପାଳରୁ ଏହି ନାବାଳିକାମାନଙ୍କୁ ଚାକିରି ଓ ଗୋରଖପୁରରେ ନିଖୋଜ ସମ୍ପର୍କୀୟଙ୍କୁ ଖୋଜିବା ନାମରେ ଭୁଲ ପ୍ରତିଶ୍ରୁତି ଦେଇ ମାନବ ଚାଲାଣ କରାଯାଉଥିଲା। ସେମାନଙ୍କ ପରିବାର ଏହି ଯାତ୍ରା ବିଷୟରେ କିଛି ଜାଣି ନଥିଲେ। ଯାହା ଚାଲାଣରୀଙ୍କର ଏକ ସାଧାରଣ କୌଶଳ ଭାବେ ଜଣାଶୁଣା। ଏହି ମାନବ ଚାଲାଣ ଘଟଣାରେ ସମ୍ପୃକ୍ତ ଜଣେ ଅଭିଯୁକ୍ତଙ୍କୁ ଗିରଫ ମଧ୍ୟ କରାଯାଇଛି। ତେବେ ଉଦ୍ଧାର ହୋଇଥିବା ନାବାଳିକାମାନଙ୍କୁ ଶିଶୁ ସୁରକ୍ଷା କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଛି। ଜିଆରପି ରାକ୍ସୌଲରେ ଭାରତୀୟ ନ୍ୟାୟ ସଂହିତା (ବିଏନଏସ), ଜୁଭେନାଇଲ ଜଷ୍ଟିସ ଆକ୍ଟ ଏବଂ ଶିଶୁ ଶ୍ରମ ନିଷେଧ ଆଇନ ଅନୁଯାୟୀ ଏକ ଏଫଆଇଆର ମଧ୍ୟ ରୁଜୁ କରାଯାଇଛି।
ଆରପିଏଫ ମହାନିର୍ଦ୍ଦେଶକ ଶ୍ରୀ ମନୋଜ ଯାଦବ ସୂଚନା ଦେଇ କହିଛନ୍ତି ଯେ, “ଏହି ଘଟଣା ମାନବ ଚାଲାଣର ଭୟାବହତାକୁ ପୁନର୍ବାର ସାମ୍ନାକୁ ଆଣିଛି। ଆଗକୁ ଆମେ ସବୁବେଳେ ସତର୍କ ରହିବୁ। ଯାତ୍ରୀମାନଙ୍କୁ ଅନୁରୋଧ, କିଛି ସନ୍ଦେହଜନକ ଦେଖିଲେ ୧୩୯ ନମ୍ବରରେ ସୂଚନା ଦିଅନ୍ତୁ। ଆପଣଙ୍କ ଏକ ପଦକ୍ଷେପ କାହା ଜୀବନ ବଦଳାଇ ଦେଇପାରେ।”
ଏହି ଉଦ୍ଧାର ଆରପିଏଫର ଅପରେସନ ଏଏଚଟି (ଆକ୍ସନ ଏଗେନଷ୍ଟ ହ୍ୟୁମାନ ଟ୍ରାଫିକିଂ)ର ଏକ ଅଂଶ ବିଶେଶ ଥିଲା ବୋଲି ଜଣାପଡିଛି। ଯାହା ଅଧିନରେ ୨୦୨୪-୨୫ରେ ୯୨୯ ପୀଡ଼ିତଙ୍କୁ (୮୭୪ ଶିଶୁ ସହିତ) ଉଦ୍ଧାର ଓ ୨୭୪ ମାନବ ଚାଲାଣକାରୀଙ୍କୁ ଗିରଫ କରାଯାଇଛିଛ। ରେଳ ନେଟୱାର୍କରେ ଆଣ୍ଟି-ହ୍ୟୁମାନ ଟ୍ରାଫିକିଂ ୟୁନିଟ (ଏଏଚଟିୟୁ) ସ୍ଥାପନ ଏବଂ ୨୦୨୪ରେ ଜାତୀୟ ମହିଳା ଆୟୋଗ ସହିତ ସହଯୋଗ ଏହି ଲଢ଼େଇକୁ ଆହୁରି ଶକ୍ତିଶାଳୀ କରିଛି।
ଆରପିଏଫ ସତର୍କତା, ସାମୁହିକ ସହଯୋଗ ଓ ସଚେତନତା ମାଧ୍ୟମରେ ଶିଶୁମାନଙ୍କ ସୁରକ୍ଷା ଓ ସମ୍ମାନ ରକ୍ଷା ହୋଇ ପାରୁଛି।
