ଭଞ୍ଜନଗର,୦୮/୦୮ : ଗଞ୍ଜାମ ଏସପିଙ୍କ ନିର୍ଦ୍ଦେଶ କ୍ରମେ ସମଗ୍ର ଜିଲ୍ଲାରେ ବେଆଇନ ବନ୍ଧୁକ ସ୍ପେଶାଲ ଡ୍ରାଇଭ ଚାଲିଥିବା ବେଳେ ତାରାସିଂ ପୁଲିସ ଗତ କାଲି ରାତ୍ରିରେ ଗଞ୍ଜାମ ଓ ନୟାଗଡ଼ ଜିଲ୍ଲାର ସୀମା ସ୍ଥିତ ରୁଢାପଦର ଘୋଗଡ଼ ଜଙ୍ଗଲ ନିକଟରେ ପେଟ୍ରୋଲିଙ୍ଗ କରୁଥିଲା । ଏହି ସମୟରେ ଦୁଇଜଣ ଅପରାଧୀଙ୍କ ସହିତ ଗୋଟିଏ ପିସ୍ତଲ ଓ ଦୁଇଟି ଅଫୁଟା ଗୁଳି, ଗୋଟିଏ ମୋଟର ସାଇକେଲ, ଦୁଇଟି ମୋବାଇଲ ଜବତ କରିଛି l ଅଭିଯୁକ୍ତ ମାନେ ହେଲେ ବିଭୁତି ଭୂଷଣ ରଥ ଅଜୁ ବିଷୋୟୀ। ବିଭୁତିଙ୍କ ଘର ତାରା ସିଂ ଥାନା ଅନ୍ତର୍ଗତ ରୁଢାପଦାର ଗାଁରେ ହୋଇଥିବା ବେଳେ ଅଜୁ ବିଷୋୟୀ ନୟାଗଡ଼ ଜିଲ୍ଲା ଦଶପଲ୍ଲା ଅଂଚଳର ପୋଇବାଡି ଗ୍ରାମର ବୋଲି ଜଣାପଡିଛି l ଅଭିଯୁକ୍ତ ମାନଙ୍କ ନାମରେ ଆଗରୁ ବିଭିନ୍ନ ଅପରାଧିକ ମାମଲା ରହିଛି l ଶୁକ୍ରବାର ଏ ସମ୍ପର୍କରେ ଏକ ପ୍ରେସ ମିଟ୍ କରି ତାରା ସିଂ ଥାନା ଅଧିକାରୀ ଶୁଭଲକ୍ଷ୍ମୀ ପୂଜାରୀଙ୍କ ଉପସ୍ଥିତି ରେ ଭଞ୍ଜନଗର ଏସଡିପିଓ ଡଃ ଦୀପକ କୁମାର ମିଶ୍ର ସୂଚନା ଦେଇଛନ୍ତି।