ପାଟଣା, ୦୨/୧୨ : ପୁଣି ଶୂନ୍ୟରୁ ଶୁଭିଲା ପ୍ରଚଣ୍ଡ ଶବ୍ଦ। ଥରି ଉଠିଲା ଘରଦ୍ଵାର ସହ ଝରକା କବାଟ। କେନ୍ଦୁଝର ଜିଲ୍ଲା ପାଟଣା ଅଞ୍ଚଳରେ ୧୦ ଟା ୪୫ରେ ବିସ୍ଫୋରଣ ଭଳି ପ୍ରଚଣ୍ଡ ଶବ୍ଦ ଅନୁଭୂତ ହୋଇଛି। ଫଳରେ ଲୋକମାନେ ଆତଙ୍କିତ ହୋଇପଡିଛନ୍ତି।
ସୂଚନାନୁଯାୟୀ, ସୋମବାର ପାଟଣା, ସାହାରପଡା, ଉଖୁଣ୍ଡା, ତୁରୁମୁଙ୍ଗା ଆଦି ଅଞ୍ଚଳରେ ଶୂନ୍ୟରୁ ପ୍ରଚଣ୍ଡ ଶବ୍ଦ ଶୁଣିବାକୁ ମିଳିଥିଲା। ଏହି ଶବ୍ଦରେ ଘରଦ୍ଵାର ସହ ଝରକା କବାଟ ଥରି ଉଠିଥିଲା। ଲୋକମାନେ ଭୟଭୀତ ହୋଇ ବାହାରକୁ ବାହାରି ଆସିଥିଲେ। ତେବେ ଏହି ଶବ୍ଦ କେଉଁଠାରୁ ଆସିଲା ତାହା ଜଣାପଡ଼ି ନାହିଁ। ବାରମ୍ଵାର ଏଭଳି ଶବ୍ଦ ଶୁଣିବାକୁ ମିଳୁଛି। ନଭେମ୍ଵର ୨୩ ତାରିଖରେ ମଧ୍ୟ ଏଭଳି ଶବ୍ଦ ଶୁଣିବାକୁ ମିଳିଥିଲା।
