ନବରଙ୍ଗପୁର,୧୩।୧ : ନବରଙ୍ଗପୁର ସହର  ମଧ୍ୟରେ ଥିବା  ଏକ ଘରେ ପଶି  ଦୁର୍ବୃତ୍ତମାନେ  ନଗଦ ୧୮ ଲକ୍ଷରୁ ଉର୍ଦ୍ଧ ଟଙ୍କା ଓ ୨୦ ତୋଳା ସୂନା ଗହଣା ଲୁଟିନେଇଛନ୍ତି l ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି l 

ନବରଙ୍ଗପୁର ସହର ସ୍ଥିତ ଦାରୁବନ୍ଧସାହିରେ ରହୁଥିବା ତେଜରାତି ବ୍ୟବସାୟୀ ସରୋଜ ମହାନ୍ତିଙ୍କ ଘରେ ଦୁଇଜଣ ଚୋର ଛୁରୀ ଧରି ଘର ମଧ୍ୟକୁ ପଶିଯାଇଥିଲେ । ସେ ସମୟରେ ଘର ମାଲିକ ସରୋଜ ଅନୁପସ୍ଥିତ ରହିଥିବାର ଫାଇଦା ନେଇ ସରୋଜଙ୍କ ସ୍ତ୍ରୀ ଅମିତା ମହାନ୍ତିଙ୍କ ବେକରେ ଗାମୁଛା ବାନ୍ଧିବା ସହ ଛୁରୀ ଦେଖାଇ ଟଙ୍କା, ଗହଣା କେଉଁଠି ଅଛି କୁହ ନହେଲେ ଜୀବନରେ ମାରିଦେବୁ ବୋଲି କହିଥିଲେ। ଆଲମାରୀରେ ଥିବା ୧୮ ଲକ୍ଷରୁ ଉର୍ଦ୍ଧ ନଗଦ ଏବଂ ୨୦ ଭରି ସୁନା ଅଳଙ୍କାର ଲୁଟିନେଇ ଚମ୍ପଟ ମାରିଲେ ୨ ଚୋର l ଦୁଇଜଣ ଚୋର ମୁଖା ପିନ୍ଧି ଏହି କାଣ୍ଡ ଭିଆଇ ଥିବା ପ୍ରକାଶ କରିଛନ୍ତି ଘର ଲୋକ lଏହାପରେ ସ୍ଥାନୀୟ ନବରଙ୍ଗପୁର ଟାଉନ ଥାନାରେ ପରିବାର ପକ୍ଷରୁ ଅଭିଯୋଗ ହେବାପରେ ଘଟଣାସ୍ଥଳରେ ନବରଙ୍ଗପୁର ଏସପି ପହଞ୍ଚି ତଦନ୍ତ ଜାରି ରଖିଛନ୍ତି l