ନୂଆଦିଲ୍ଲୀ,୨୫/୦୫: ୨୪ ଘଣ୍ଟାରେ ସର୍ବାଧିକ ବୀମା ପଲିସି କରି ଗିନିଜ୍ ବିଶ୍ୱ ରେକର୍ଡସ୍ରେ ସ୍ଥାନ ହାସଲ କରିଛି ଏଲ୍ଆଇସି ଇଣ୍ଡିଆ । ଗତ ଶନିବାର ଏଲ୍ଆଇସି ପକ୍ଷରୁ ଏହା ସ୍ପଷ୍ଟ କରାଯାଇଛି ।
ଗତ ଜାନୁଆରୀ ୨୦ ତାରିଖରେ ଏଲ୍ଆଇସିର ଉତ୍ସର୍ଗୀକୃତ ଏଜେନ୍ସି ନେଟ୍ୱର୍କର ଅଦ୍ୱିତୀୟ ପ୍ରଦର୍ଶନକୁ ଗିନିଜ୍ ପକ୍ଷରୁ ଯାଞ୍ଚ୍ପୂର୍ବକ ମାନ୍ୟତା ପ୍ରଦାନ କରାଯାଇଛି । ଏହି ଦିନ ଏଲ୍ଆଇସିର ମୋଟ୍ ୪,୫୨,୮୩୯ ଜଣ ଏଜେଣ୍ଟ୍ ସଫଳତାପୂର୍ବକ ସାରା ଦେଶରେ ୫,୫୫,୧୦୭ ଜୀବନ ବୀମା ପଲିସି ପୂରଣ କରିଥିଲେ । ଏହି ସ୍ମାରକୀ ପ୍ରୟାସ ୨୪ ଘଣ୍ଟା ମଧ୍ୟରେ ଜୀବନ ବୀମା ଉଦ୍ୟୋଗରେ ଏଜେଣ୍ଟ୍ଙ୍କ ଉତ୍ପାଦକତାର ଏକ ନୂଆ ବିଶ୍ୱସ୍ତରୀୟ ମାଇଲଖୁଣ୍ଟ ସ୍ଥାପନ କରିଛି ।
ଏଲ୍ଆଇସି ଇଣ୍ଡିଆ ଅନୁସାରେ, ଏଲ୍ଆଇସି ଏଜେଣ୍ଟ୍ମାନଙ୍କର ସମର୍ପଣଭାବ, କୌଶଳ ଓ ଅବିଶ୍ରାନ୍ତ କାର୍ଯ୍ୟ ପ୍ରତି ସଦାଚାରର ଏହା ଏକ ଶକ୍ତିଶାଳୀ ପ୍ରମାଣପତ୍ର । ଏହି ଉପଲବ୍ଧି ଗ୍ରାହକ ଓ ସେମାନଙ୍କ ପରିବାରକୁ ଗୁରୁତ୍ୱପୂର୍ଣ୍ଣ ଆର୍ଥିକ ସୁରକ୍ଷା ପ୍ରଦାନ ମିଶନ୍ କ୍ଷେତ୍ରରେ ନିଗମର ଗଭୀର ଅଙ୍ଗୀକାରବଦ୍ଧତାର ଉଦାହରଣ । ବିଶ୍ୱ ରେକର୍ଡ ଲାଗି ଗତ ଜାନୁଆରୀ ୨୦ ତାରିଖ ଏଲ୍ଆଇସିର ‘ମ୍ୟାଡ୍ ମିଲିଅନ୍ ଡେ’ରେ ଅତିକମ୍ରେ ଗୋଟିଏ ପଲିସି ପୂରଣ କରିବାକୁ ଦେଶର ପ୍ରତ୍ୟେକ ଏଜେଣ୍ଟ୍ଙ୍କୁ ଏଲ୍ଆଇସି ଏମ୍ଡି ଓ ସିଇଓ ସିଦ୍ଧାର୍ଥ ମହାନ୍ତି ଅପିଲ କରିଥିଲେ ।
