ଅନୁଗୁଳ,୧୫/୦୫: ପ୍ରଚଣ୍ଡ ଖରାରେ ଅସ୍ତବ୍ୟସ୍ତ ଜନଜୀବନ । ଏହାରି ମଧ୍ୟରେ ବୁଧବାର ଦିନ ଅଂଶୁ ଘାତରେ ଜଣେ ଶ୍ରମିକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ମୃତକ ସଦର ଥାନା ଇଲାକା ଖଣ୍ଡହତା ଗ୍ରାମର କାଳିଆ ଗୋଛାୟତ ବୋଲି ଜଣାପଡ଼ିଛି ।
ସୂଚନା ମୁତାବକ, କାଳିଆ ଦୀର୍ଘ ବର୍ଷ ହେଲା ଅନୁଗୁଳ ପୁରୁଣା ବସଷ୍ଟାଣ୍ଡ୍ର ବିଭିନ୍ନ ହୋଟେଲ୍ରେ କାମ କରୁଥିଲେ। ବୁଧବାର ଅପରାହ୍ନରେ ହଠାତ୍ ସେ ଅସୁସ୍ଥ ହୋଇ ପଡ଼ିଥିଲେ। ତାଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଥିଲା। ଗଉନ୍ ଥାନା ପୁଲିସ୍ ମୃତଦେହ ଜବତ କରିବା ସହିତ ଗୁରୁବାର ସବ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରିଥିବା ଜଣାପଡ଼ିଛି।
