ବଣାଇ,୨୪/୧୧: ଖଣି ଭିତରେ କାମ କରୁଥିବା ବେଳେ ଗ୍ରେଡରରେ ଚାପି ହୋଇ ଶ୍ରମିକଙ୍କ ମୃତ୍ୟୁ । ମୃତକ ବଡ଼ବିଲ କଳିଙ୍ଗ ଅଞ୍ଚଳର ରଘୁନାଥ ଦାସ ବୋଲି ଜଣାପଡ଼ିଛି । ସୁନ୍ଦରଗଡ ଜିଲ୍ଲା କୋଇଡା ଥାନା ଅନ୍ତର୍ଗତ ଗଣୁଆ ନିକଟସ୍ଥ ପଟବେଡା ଖଣିରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ପଟବେଡା ଖଣିରେ ଯୁବକ ଜଣକ ଶ୍ରମିକ ଭାବେ କାର୍ଯ୍ୟରତ ଥିଲେ । ସେଠାରେ କାମ କରୁଥିବା ବେଳେ ଏକ ଗ୍ରେଡର ତଳେ ଚାପି ହୋଇ ଯାଇଥିଲେ । ଏହା ଦେଖି ଯୁବକଙ୍କ ସହକର୍ମୀ ତାଙ୍କୁ ତୁରନ୍ତ ଗ୍ରେଡର ତଳୁ ଉଦ୍ଧାର କରିଥିଲେ । ହେଲେ ସେତେବେଳକୁ ତାଙ୍କ ମୃତ୍ୟୁ ହୋଇ ସାରିଥିଲା । ପରେ ଏନେଇ ପୋଲିସକୁ ଖବର ଦେଇଥିଲେ ଖଣିର ବରିଷ୍ଠ କର୍ମଚାରୀ । ଖବର ପାଇ ଘଟଣାସ୍ଥଳରେ କୋଇଡା ଥାନା ପୋଲିସ ପହଞ୍ଚି ମୃତଦେହ ଜବତ କରିଛି । ଏହା ସହ ଘଟଣାର ତଦନ୍ତ ଚଳାଇଛି ପୋଲିସ ।