ନୂଆଦିଲ୍ଲୀ, ୬।୮: ଏବେ ଲେଖିବାକୁ ଆଉ ହାତର ଆବଶ୍ୟକତା ନାହିଁ । ପାଟିରୁ କଥା ବାହାରୁ ବାହାରୁ ଆପେ ଆପେ ପେପରେ ଲେଖି ହୋଇଯିବ । କେରଳର ଜଣେ ଇଲେକ୍ଟ୍ରୋନିକ୍ସ ଇଞ୍ଜିନିୟରିଂ ଛାତ୍ର ଏକ AI ଟୁଲ୍ସ ବିକଶିତ କରିଛନ୍ତି । ଯାହାର ନାଁ ଟକ୍ ଟୁ ରାଇଟ୍ । ସେ Ente Keralam Expo ୨୦୨୫ରେ ଏହି ଉପକରଣକୁ ପ୍ରଦର୍ଶନ କରିଛନ୍ତି । ଏହି AI ଉପକରଣ ଯେକୌଣସି ଭଏସ୍ ନୋଟକୁ ହାତଲେଖା ନୋଟରେ ପରିଣତ କରେ । ଏଥିପାଇଁ, ଏହି AI ଉପକରଣ Raspberry Pi ଏବଂ Arduino ବ୍ୟବହାର କରେ । 

ଆସନ୍ତୁ ଜାଣିବା ଟକ୍ ଟୁ ରାଇଟ୍ କ’ଣ ? ଏହି ଟୁଲ୍ସ ଅକ୍ଷମ ଛାତ୍ର ଏବଂ ବୃତ୍ତିଗତଙ୍କ ପାଇଁ ଏକ ସ୍ମାର୍ଟ ସମାଧାନଠାରୁ କମ୍ ନୁହେଁ । ଏହା ଏକ ଡିଜିଟାଲ୍ ରାଇଟର୍ ପରି କାମ କରିବ ଏବଂ ଭାଷଣକୁ ପାଠ୍ୟରେ ପରିଣତ କରିବ । ଏହି ଡିଭାଇସରେ ଏକ CNC ପେନ୍ ପ୍ଲଟର ଅଛି, ଯାହା A4 କାଗଜରେ କଥିତ ଶବ୍ଦଗୁଡ଼ିକୁ ଲେଖେ । ଏହି ଡିଭାଇସ୍ ପାଇଥନ୍ ଏବଂ GRBL ଦ୍ୱାରା ପରିଚାଳିତ । ଏଥିରେ, ଛାତ୍ର ଜଣକ ଭଏସ୍ ଟେକ୍ ଏବଂ ରୋବୋଟିକ୍ସ ବ୍ୟବହାର କରିଛନ୍ତି, ଯାହା ଲେଖା ପ୍ରକ୍ରିୟାକୁ ସହଜ କରିଥାଏ । ଏହି AI ଉପକରଣ ତିଆରି କରିଥିବା ଛାତ୍ର ଅଜୟ ଏଚ୍, ଇନଷ୍ଟାଗ୍ରାମରେ ନିଜର ପୋଷ୍ଟ ସେୟାର କରିଛନ୍ତି । ଏହି ପୋଷ୍ଟରେ ସେ ଲେଖିଛନ୍ତି ଯେ, ସେ ଏଣ୍ଟେ କେରଲମ୍ ଏକ୍ସପୋ ୨୦୨୫ରେ ତାଙ୍କର ପ୍ରକଳ୍ପ ପ୍ରଦର୍ଶନ କରି ବହୁତ ଗର୍ବିତ । ଭିନ୍ନକ୍ଷମମାନଙ୍କୁ ସାହାଯ୍ୟ କରିବା ପାଇଁ ସେ ଏହି ଟୁଲ୍ ତିଆରି କରିଛନ୍ତି, ଯାହା ସେମାନଙ୍କ ପାଇଁ ଡିଜିଟାଲ୍ ରାଇଟର୍ ଭାବରେ କାମ କରିବ । ଏହି ଟୁଲ୍‌ରେ ଯାହା କହିବେ ତାହା A4 ପେପରରେ ଲାଇନ-ବାଇ-ଲାଇନ୍ ଲେଖିହୋଇଯାଉଛି । ହାତର ବ୍ୟବହାର ହିଁ ହେଉନି ।