ନୂଆଦିଲ୍ଲୀ, ୦୭/୦୮ : ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ୫ ବର୍ଷର ନାତି ରୁଦ୍ରାଂଶଙ୍କ ଅଳି। 'ଜେଜେ ଆସିଲା ବେଳେ ମୋଦି ବାବାଙ୍କଠୁ ମୋ ପାଇଁ ଫାଇଟର୍ ପ୍ଲେନ୍ ଆଉ ଖେଳନା ଆଣିବ।' ବୁଧବାର ଏକନାଥ ତାଙ୍କ ପରିବାର ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଥିଲେ। ଏହି ସାକ୍ଷାତକାର ସମୟରେ ମୋଦି ରୁଦ୍ରାଂଶଙ୍କ କଥା ପଚାରିଥିଲେ। ରୁଦ୍ରାଂଶଙ୍କୁ ଘରେ ଛାଡ଼ି ଆସିଥିବା ଏକନାଥ କହିଥିଲେ। ଏହା ସହ ନାତିଙ୍କ ଅଳି ବିଷୟରେ ବି କହିଥିଲେ। କୁନି ରୁଦ୍ରାଂଶଙ୍କ କଥା ଶୁଣି ପିଏମ୍ ତାଙ୍କ ହସକୁ ଅଟକାଇ ପାରିନଥିଲେ। 

📍नवी दिल्ली |#दिल्ली दौऱ्यावर आलो असता आज देशाचे लोकप्रिय पंतप्रधान माननीय श्री.@narendramodi जी यांची सहकुटुंब सदिच्छा भेट घेतली.

संसदेच्या पावसाळी अधिवेशनाच्या पार्श्वभूमीवर नवी दिल्ली येथे आलो असता आज ही भेट संपन्न झाली. यावेळी मोदीजींना शाल आणि पुष्पगुच्छ देऊन सन्मानित… pic.twitter.com/PoaM05Ovkb

— Eknath Shinde - एकनाथ शिंदे (@mieknathshinde) August 6, 2025

ସୂଚନାନୁଯାୟୀ, ବୁଧବାର ଏକନାଥ ସିନ୍ଦେ, ପତ୍ନୀ ଲତା ସିନ୍ଦେ, ପୁଅ ଶ୍ରୀକାନ୍ତ ସିନ୍ଦେ ଏବଂ ବୋହୂ ବୃଷାଳୀ ସିନ୍ଦେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଥିଲେ। ଏବେ ଶ୍ରାବଣ ମାସ ଚାଲିଥିବାରୁ ସିନ୍ଦେ ପରିବାର ମୋଦିଙ୍କୁ ଶିବଙ୍କର ଏକ ଫଟୋଚିତ୍ର ଭେଟି ଦେଇଥିଲେ। 'ଅପରେସନ ମହାଦେବ'ର ସଫଳତାର ପ୍ରତୀକ ସ୍ଵରୂପ ଏହି ଭେଟି ଦେଇଥିଲେ। ପହଲଗାମ ଆତଙ୍କୀ ହମଲାରେ ସଂପୃକ୍ତ ଥିବା ଆତଙ୍କୀଙ୍କୁ ନିପାତ କରିବା ପାଇଁ 'ଅପରେସନ ମହାଦେବ' କରାଯାଇଥିଲା। 

ସିନ୍ଦେ ପରିବାର ସହ କୁନି ରୁଦ୍ରାଂଶଙ୍କୁ ନଦେଖି ମୋଦି ତାଙ୍କ ବିଷୟରେ ପଚାରିଥିଲେ। ନାତି ଟୋକାକୁ ଘରେ ଛାଡ଼ି ଆସିଥିବା ଏକନାଥ କହିଥିଲେ। ତାଙ୍କ ଅଳି ବିଷୟରେ ବି ମୋଦିଙ୍କୁ ଜଣାଇଥିଲେ। ରୁଦ୍ରାଂଶଙ୍କ କଥା ଶୁଣି ମୋଦି ଟିକେ ହସି ଦେଇଥିଲେ। ପରେ ରୁଦ୍ରାଂଶଙ୍କ ମଜାଳିଆ ଡିମାଣ୍ଡ୍ ନେଇ ଗଣମାଧ୍ୟମକୁ ଜଣାଇଥିଲେ। ସିନ୍ଦେ କହିଥିଲେ, 'ମୋ ନାତି ଠିକ୍ ଦାବି କରିଛି। ଯୁଦ୍ଧ ବିମାନ ଆମ ପାଇଁ ମଧ୍ୟ ଉପଯୋଗୀ ହୋଇପାରେ। ବିଶେଷକରି ମହାରାଷ୍ଟ୍ର ରାଜନୀତି ଏବଂ ଆଗାମୀ ପୌର ନିର୍ବାଚନ ପାଇଁ।' ତାଙ୍କର ମଜାଦାର ବକ୍ତବ୍ୟ ସ୍ପଷ୍ଟ କରିଥିଲା ଯେ ସେ ନିର୍ବାଚନ ଲଢ଼େଇକୁ ଏକ ଲଢ଼େଇ ଭାବରେ ଦେଖୁଛନ୍ତି।

ଏକନାଥ ସିନ୍ଦେଙ୍କ ଦିଲ୍ଲୀ ଗସ୍ତ ଗୁରୁତ୍ଵପୂର୍ଣ୍ଣ ବୋଲି ବିବେଚନା କରାଯାଉଛି। ଗୋଟିଏ ମାସ ମଧ୍ୟରେ ଏହା ତାଙ୍କର ତୃତୀୟ ଦିଲ୍ଲୀ ଗସ୍ତ। ଏହି ଅବସରରେ ସେ ସଂସଦ ଭବନରେ ଗୃହ ମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ। ସେପଟେ ଉଦ୍ଧବ ଠାକରେଙ୍କ ପରିବାର ମଧ୍ୟ ଦିଲ୍ଲୀରେ ଅଛନ୍ତି। ସେ INDIA ମେଣ୍ଟର ଡିନର ମିଟିଂରେ ସାମିଲ ହେବାକୁ ପହଞ୍ଚିଛନ୍ତି।