କେନ୍ଦ୍ରାପଡା, ୧୭।୭ : ବାଲେଶ୍ୱର ଛାତ୍ରୀ ମୃତ୍ଯ ଘଟଣାକୁ ନେଇ ଓଡିଶା ବନ୍ଦ ପରିପ୍ରେକ୍ଷୀରେ କେନ୍ଦ୍ରାପଡାରେ ବନ୍ଦ ପାଳନ କରାଯାଇଛି l ବିଭିନ୍ନ ରାଜନୈତିକ ଦଳ ପକ୍ଷରୁ ସହରର ତିନିମୁହାଣୀ ଛକ ଠାରେ କଟକ-ଚାନ୍ଦବାଲି ରାସ୍ତା ଅବରୋଧ କରାଯାଇଥିଲା l 

ଏଫଏମ୍ କଲେଜ ଛାତ୍ରୀ ସୌମ୍ୟାଶ୍ରୀଙ୍କ ମୃତ୍ୟୁ ଘଟଣାରେ ନ୍ୟାୟିକ ଯାଞ୍ଚ କରିବା, ଦୋଷୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ , ଉଚ୍ଚଶିକ୍ଷା ମନ୍ତ୍ରୀଙ୍କ ଇସ୍ତଫା ଦାବି କରାଯାଇଛି l ବନ୍ଦ ଯୋଗୁଁ କେନ୍ଦ୍ରାପଡା ରେ ଜନଜୀବନ ପ୍ରଭାବିତ ହୋଇଛି l ଗାଡି ଚଳାଚଳ ବନ୍ଦ ରହିଛି l ଏହି ବନ୍ଦ କାର୍ଯ୍ୟକ୍ରମରେ କଂଗ୍ରେସ ନେତ୍ରୀ ସିପ୍ରା ମଲ୍ଲିକ, ହଳଧର ସେଠୀ , ବାମପନ୍ଥୀ ନେତା ଗୟାଧର ଧଳ, ଫକୀର ଚରଣ ଖଟୁଆ, ଆଦିକନ୍ଦ ରାଉଳ, ମାଧବ ଚନ୍ଦ୍ର ଦାସ ପ୍ରମୁଖ ଯୋଗ ଦେଇଥିଲେ l