ଭଦ୍ରକ, ୦୩/୦୬ : ଥମୁନି ଯାତ୍ରା କଳାକାର ଓ ମାଲିକଙ୍କ ମଧ୍ୟରେ ବିବାଦ । ଯାତ୍ରା କଳିକୁ ଲମ୍ଫ ମାରିଲେ ରାଜଧାନୀ ଅପେରା ମ୍ୟାନେଜର ଜଗତ ଜୀବନ ପଣ୍ଡା । ଶୀତଳ ଯୁଦ୍ଧରୁ ସେ ଏବେ ବାକ୍ ଯୁଦ୍ଧକୁ ଓହ୍ଲାଇଛନ୍ତି । ଯାତ୍ରା କଳାକାର ମାମୁନି ଷଡ଼ଙ୍ଗୀଙ୍କୁ ସିଧାସିଧା ଟାର୍ଗେଟ୍ କରିଛନ୍ତି । ଜଗତ ଜୀବନ ପଣ୍ଡା କହିଛନ୍ତି, ମାମୁନି ତାଙ୍କ ଲେବୁଲର ନୁହଁନ୍ତି । ତେଣୁ ତାଙ୍କ କଥା ମାନିବାକୁ ବାଧ୍ୟ ନୁହେଁ ।
ମିଡିଆ ସାମ୍ନାରେ ମାମୁନି ଷଡ଼ଙ୍ଗୀଙ୍କ ଉପରେ ବର୍ଷିଛନ୍ତି ଜଗତ ଜବୀନ ପଣ୍ଡା। ମାମୁନିଙ୍କ ପାଇଁ ମାୟାନଗରୀ ଯାତ୍ରାପାର୍ଟି ଭାଙ୍ଗିଛି । ଯାତ୍ରା ଋତୁ ସରିବାକୁ ୪ ମାସ ଥିଲା ହେଲେ ସେ ପାର୍ଟି ଛାଡ଼ି ଚାଲି ଆସିଲେ। ସେହିପରି ଯାତ୍ରା ଇନ୍ଦ୍ରଭୁବନ ଆଖଡ଼ା ଘରୁ କାହିଁକି ବିଦା ହେଲେ ବୋଲି ପ୍ରଶ୍ନ କରିଛନ୍ତି ଜଗତ ଜୀବନ ପଣ୍ଡା । ଚଳିତ ବର୍ଷ ଅଶୋକ ସମ୍ରାଟ୍ ଯାତ୍ରପାର୍ଟିର ଆଖଡ଼ା ଚାଲିଥିବା ବେଳେ ଗଉଡ଼ ସାହି କଥା ଉଠାଇଲେ ଏବଂ ସାହି ଲୋକ କ’ଣ ଅରୁଆ ଡାଲମା ଦେଇଥିଲେ ପ୍ରଶ୍ନ କରିଛନ୍ତି ରାଜଧାନୀ ଅପେରା ମ୍ୟାନେଜର। ସମୟ ଆସିଲେ ମାମୁନି ଷଡ଼ଙ୍ଗୀ ଜାଣିପାରିବେ ଜଗତ ଜୀବନ ପଣ୍ଡା କିଏ । ଏ-କ୍ଲାସ୍ ଅନୁଷ୍ଠାନ ଅଭିଧାନରୁ ମାମୁନିର ନାଁ ଲିଭିଗଲାଣି । ତାଙ୍କ କଥା କହିବାର ଶୈଳୀରୁ ସେ କ’ଣ ବୋଲି ଜଣାପଡ଼ୁଛି । ଜଣେ ଯାତ୍ରାପାର୍ଟି ମାଲିକ ଓ ମ୍ୟାନେଜରଙ୍କ ନାଁରେ ଯେଉଁଭଳି ଭାବେ କଥା କହୁଛନ୍ତି, ସେଥିରୁ ଆପଣ ଜାଣିପାରୁଥିବେ ମାମୁନି ଷଡ଼ଙ୍ଗୀ କିଭଳି କଳାକାର ?
ତୁଳସୀ ଗଣନାଟ୍ୟ ମାଲିକ ନାଣ୍ଡୁ ବାବୁ ଓ କଳାକାର ପୂଜାଙ୍କ କଳିରେ ଏଣ୍ଟ୍ରି ମାରିଛନ୍ତି ଜଗତ ଜୀବନ ପଣ୍ଡା । ନକହି ନକହି ପୂଜାଙ୍କ ବିଷୟରେ ସବୁ କହି ଦେଇଛନ୍ତି ସେ। ନାଣ୍ଡୁ ବାବୁ ପୂରା କ୍ଲାରିଟି ମେଣ୍ଟନ୍ କରିଛନ୍ତି । ପୂଜାଙ୍କ କଥା ମେତେ ପଚାରନ୍ତୁ ନାହିଁ, ନହେଲେ ସେ ଗାଳି କରିବେ ବୋଲି କହିଛନ୍ତି ଜଗତ ଜୀବନ ପଣ୍ଡା । ଏହାଛଡ଼ା ସୋସିଆଲ୍ ମିଡିଆ ଏକ ସରଳ ଉପାୟ ହେଉଛି, ତେଣୁ ଯିଏ ଯାହା ପାରୁଛି କହୁଛି । ସେମାନେ ଆଇନ ମନ୍ତ୍ରୀଙ୍କୁ ଦେଖା କରିବାକୁ ଯାଇଛନ୍ତି, ଏହା ଭଲ କଥା । ଆମେ ସବୁ ଆଇନର ପରିଧି ଭିତରେ ରହିଛୁ । ଆଇନ ଉପରେ ସମସ୍ତଙ୍କର ଭରସା ରହିଛି । ଆଇନକୁ ସମସ୍ତେ ସମ୍ମାନ କରିବା ଉଚିତ୍ ବୋଲି ରାଜଧାନୀ ଅପେରା ମ୍ୟାନେଜର ଜଗତ ଜୀବନ ପଣ୍ଡା କହିଛନ୍ତି ।
