ଭୁବନେଶ୍ୱର, ୦୧/୧୧: ଦାରିଙ୍ଗବାଡିରେ ଆମ୍ବ ଟାକୁଆ ଖାଇ ମୃତ୍ୟୁ ଅଭିଯୋଗର ଆରମ୍ଭ ହେଲା ସ୍ୱାସ୍ଥ୍ୟ ବିଭାଗୀୟ ତଦନ୍ତ । ଜିଲ୍ଲା ମୁଖ୍ୟାଳୟ ହସ୍ପିଟାଲ ଓ ସ୍ୱାସ୍ଥ୍ୟ ନିର୍ଦ୍ଦେଶକ ଏହି ତଦନ୍ତ ଆରମ୍ଭ କରିଛନ୍ତି । ଏକ ମେଡ଼ିକାଲ ଟିମ୍ ସେଠାରେ ପହଞ୍ଚି ଅନୁସନ୍ଧାନ କରୁଛନ୍ତି । ଏନେଇ ସ୍ୱାସ୍ଥ୍ୟ ମନ୍ତ୍ରୀ ସୂଚନା ଦେଇଛନ୍ତି । 

ଯେଉଁ ଦୁଇ ଜଣଙ୍କ ମୃତ୍ୟୁ କଥା କୁହାଯାଉଛି, ସେମାନଙ୍କ ମଧ୍ୟରୁ ଜଣଙ୍କ ମୃତ୍ୟୁ ହସ୍ପିଟାଲ ଆସିବା ବାଟରେ ହୋଇଥିଲା । ଅନ୍ୟ ଜଣଙ୍କ ମୃତ୍ୟୁ ହସ୍ପିଟାଲ ଆସିବା ପରେ ହୋଇଥିଲା। ପୋଷ୍ଟ ମର୍ଟମ ରିପୋର୍ଟକୁ ଅପେକ୍ଷା କରାଯାଇଛି । ତାପରେ ମୃତ୍ୟୁର କାରଣ ଜଣା ପଡିବ। ବାକି ୬ ଜଣ ଏମକେସିଜି ମେଡିକାଲ କଲେଜରେ ଚିକିତ୍ସିତ ହେଉଛନ୍ତି । କଲେଜ କର୍ତୃପକ୍ଷଙ୍କୁ ଉଚିତ ଚିକିତ୍ସା ପାଇଁ ନିର୍ଦ୍ଦେଶ ଦିଆଯାଇଛି । ଆମ୍ବ ଟାକୁଆ ଖାଇବା କନ୍ଧମାଳ ପରି ଜିଲ୍ଲାରେ ହେଉଥିବା ଅନେକ ସମୟରେ ଗଣମାଧ୍ୟ୍ୟମରେ ଆସେ । ସେମାନେ ଖରା ଦିନେ ଶୁଖାଇ ବର୍ଷା ଦିନେ ଖାଆନ୍ତି । ମୃତକଙ୍କ ପରିବାର ଏନଏଫଏସସି ଖାଦ୍ୟ ସୁରକ୍ଷାରେ ଥିବେ। ଏ ବିଷୟରେ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ସୂଚନା ଦେଇଛନ୍ତି । 

ଏହି ଘଟଣାରେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା ମଧ୍ୟ ନିଜର ମତ ରଖିଛନ୍ତି । ଆମ୍ବ ଟାକୁଆ ଖାଇ ଅସୁସ୍ଥ ତଥା ମୃତ୍ୟୁ ବରଣ କରିଥିବା ଘଟଣା ଉପରେ ସେ କହିଛନ୍ତି ଯେ, ଆମ୍ବ ଟାକୁଆ  ତାଙ୍କର ନିୟମିତ ଖାଦ୍ୟ । ଅସ୍ୱାସ୍ଥ୍ୟକର ଖାଦ୍ୟ ଯୋଗୁଁ ଏପରି ହୋଇଛି । ଟାକୁଆ ଖାଇବା ତାଙ୍କ ଖାଦ୍ୟ ତରିକା । ତାଙ୍କ ଖାଦ୍ୟର ଗୋଟିଏ ପାର୍ଟ । ତାଙ୍କ ଖାଇବା ଜିନିଷ ବିଷାକ୍ତ ହୋଇଯାଇଛି । ତେବେ ବେଟି ବଚାଓ ଓ ବେଚି ପଢ଼ାଓ ଜରିଆରେ ଆମେ ସମସ୍ତଙ୍କୁ ସଚେତନ କରୁଛୁ । ସରକାର ଯାହା ନିର୍ଦ୍ଦେଶ ଦେବା କଥା ଦେଇ ସାରିଛନ୍ତି । ଘଟଣାସ୍ଥଳକୁ ଅଙ୍ଗନୱାଡି ଦିଦି ଯାଇଥିବା ନେଇ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା ସୂଚନା ଦେଇଛନ୍ତି ।