ନୂଆଦିଲ୍ଲୀ,୧୨/୦୧: ଯିବେନି ପାକିସ୍ତାନ ଆସିବେ ଭାରତ । ଚଳିତ ବର୍ଷ ସାଧାରଣତନ୍ତ୍ର ଦିବସ ସମାରୋହରେ ମୁଖ୍ୟ ଅତିଥି ଭାବେ ଯୋଗ ଦେବେ ଇଣ୍ଡୋନେସିଆ ରାଷ୍ଟ୍ରପତି ପ୍ରଭୋବୋ ସୁବିଆଣ୍ଟୋ । ଏ ନେଇ ବିଶେଷ ସୁତ୍ରରୁ ସୂଚନା ମିଳିଛି । ପ୍ରଥମେ ସେ ପାକିସ୍ତାନ ଗସ୍ତ କରିବାର ଥିଲା ମାତ୍ର ଭାରତରୁ ନିମନ୍ତ୍ରଣ ପାଇବା ପରେ ସେ ତାଙ୍କର ପାକିସ୍ତାନ ଗସ୍ତ ବାତିଲ କରିଥିବା ଜଣାପଡିଛି ।
ଏ ପର୍ଯ୍ୟନ୍ତ ଭାରତ ସାଧାରଣତନ୍ତ୍ର ଦିବସର ମୁଖ୍ୟ ଅତିଥିଙ୍କ ତାଲିକା ଔପଚାରିକତା ଭାବେ ଘୋଷଣା କରିନାହିଁ । ଜାନୁଆରୀ ୨୬ ସମାରୋହରେ ମୁଖ୍ୟ ଅତିଥି ଭାବେ ଇଣ୍ଡୋନେସିଆ ରାଷ୍ଟ୍ରପତି ପ୍ରଭୋବୋ ସୁବିଆଣ୍ଟୋ ଯୋଗ ଦେବେ ବୋଲି ଖବର ମିଳିଛି । ଏ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ସହ ବ୍ୟାପକ ଆଲୋଚନା କରିବେ ବୋଲି ଜଣାପଡିଛି । ଭାରତର ନିମନ୍ତ୍ରଣ ପାଇବା ପରେ ସେ ତାଙ୍କର ପାକିସ୍ତାନ ଗସ୍ତ ବାତିଲ କରିଥିବା ଜଣାପଡିଛି ।
ପ୍ରତି ବର୍ଷ ଭାରତ ବିଶ୍ବର ଅନେକ ନେତାଙ୍କୁ ଗଣତନ୍ତ୍ର ଦିବସ ସମାରୋହକୁ ଆମନ୍ତ୍ରଣ କରିଥାଏ । ଗତବର୍ଷ ଫ୍ରାନ୍ସ ରାଷ୍ଟ୍ରପତି ଇମାନୁଏନ ମାକ୍ରନ ମୁଖ୍ୟ ଅତିଥି ଥିଲେ । ୨୦୨୩ରେ ମିସ୍ତ୍ରୀ ରାଷ୍ଟ୍ରପତି ଅବଦେଲ ଫତାହ ଅଲ ସିସି ସାମିଲ ହୋଇଥିଲେ । କୋଭିଡ ମହାମାରୀ କାରଣରୁ ୨୦୨୧ ଏବଂ ୨୦୨୨ରେ ଗଣତନ୍ତ୍ର ଦିବସରେ କୌଣସି ଅତିଥି ଆସିନଥିଲେ । ୨୦୨୦ରେ ବ୍ରାଜିଲ ରାଷ୍ଟ୍ରପତି ବୋଲ୍ସୋନାରୋ ମୁଖ୍ୟ ଅତିଥି ଥିଲେ ।
