ନୂଆଦିଲ୍ଲୀ,୦୧/୧୨: ରବିବାର ଦିନ କାନବେରାଠାରେ ଖେଳାଯାଇଥିବା ୱାର୍ମ ଅପ୍ ମ୍ୟାଚରେ ଭାରତ ଏକ ଚମତ୍କାର ବିଜୟ ହାସଲ କରିଛି। ଟିମ୍ ଇଣ୍ଡିଆ ପ୍ରାଇମ୍ ମିନିଷ୍ଟର ଇଲେଭେନକୁ ୬ ୱିକେଟରେ ପରାସ୍ତ କରିଛି। ଶୁଭମନ ଗିଲ ଭାରତ ପକ୍ଷରୁ ଦମ୍ଦାର୍ ପ୍ରଦର୍ଶନ କରିଥିଲେ ଏବଂ ଅର୍ଦ୍ଧଶତକ ହାସଲ କରିଥିଲେ। ଅନ୍ୟପକ୍ଷରେ ୱାଶିଂଟନ୍ ସୁନ୍ଦର ୪୨ ରନର ବିସ୍ଫୋରକ ଇନିଂସ ଖେଳିଥିଲେ। ବୋଲିଂରେ ହର୍ଷିତ ରାଣା ଚମତ୍କାର ପ୍ରଦର୍ଶନ କରିଥିଲେ। ସେ ୪ ଟି ୱିକେଟ୍ ନେଇଥିଲେ। ଆକାଶ ଦୀପଙ୍କୁ ୨ଟି ୱିକେଟ୍ ମିଳିଥିଲା। ଦ୍ୱିତୀୟ ଟେଷ୍ଟ ପୂର୍ବରୁ ଟିମ୍ ଇଣ୍ଡିଆ ପାଇଁ ଏହା ଏକ ଆଶ୍ଚର୍ଯ୍ୟଜନକ ବିଜୟ ଥିଲା।
କହିରଖୁଛୁ ଯେ, ପ୍ରାଇମ୍ ମିନିଷ୍ଟର ଇଲେଭେନ୍, ଜ୍ୟାକ୍ ଏଡୱାର୍ଡସ୍ଙ୍କ ଅଧିନାୟକତ୍ୱ ପ୍ରଥମେ ବ୍ୟାଟିଂ କରି ୨୪୦ ରନ୍ ସଂଗ୍ରହ କରିଥିଲେ। ଏହାରି ଭିତରେ ସାମ କୋନଷ୍ଟାସ୍ ଏକ ଶତକ ହାସଲ କରିଥିଲେ। ସେ ୯୭ ବଲରେ ୧୦୭ ରନ ସ୍କୋର କରିଥିଲେ। ଜ୍ୟାକ୍ କ୍ଲେଟନ୍ ୪୦ ରନ୍ର ଏକ ଇନିଂସ ଖେଳିଥିଲେ। କ୍ୟାପଟେନ ଏଡୱାର୍ଡସ ମାତ୍ର ୧ ରନ୍ କରି ଆଉଟ୍ ହୋଇଥିଲେ। ଅଷ୍ଟ୍ରେଲିୟ ଇନିଂସ ସମୟରେ ହର୍ଷିତ ରାଣା ଭାରତ ପକ୍ଷରୁ ସାଂଘାତିକ ବୋଲିଂ କରି ୪ ୱିକେଟ୍ ନେଇଥିଲେ। ସେ ୬ ଓଭରରେ ୪୪ ରନ୍ ଦେଇଥିଲେ। ୧୦ ଓଭରରେ ୫୮ ରନ୍ ଦେଇ ଆକାଶ ଦୀପ ୨ ୱିକେଟ୍ ନେଇଥିଲେ। ମହମ୍ମଦ ସିରାଜ, ପ୍ରସିଦ୍ଧ କୃଷ୍ଣ, ରବିନ୍ଦ୍ର ଜାଡେଜା ଏବଂ ୱାଶିଂଟନ୍ ସୁନ୍ଦର ଗୋଟିଏ ଲେଖାଏଁ ୱିକେଟ୍ ନେଇଥିଲେ।
ପ୍ରାଇମ ମିନିଷ୍ଟର ଇଲେଭେନ ଦେଇଥିବା ଲକ୍ଷ୍ୟକୁ ପିଛା କରି ମଇଦାନକୁ ଓହ୍ଲାଇଥିବା ଭାରତୀୟ ଦଳ ୫ ୱିକେଟ୍ ହରାଇବା ମ୍ୟାଚ୍ ଜିତିଥିଲା। ଶୁଭମାନ ଗିଲ ଅର୍ଦ୍ଧଶତକ ହାସଲ କରିଥିଲେ। ସେ ୭ ଚୌକା ସହାୟତାରେ ୫୦ ରନ୍ ସ୍କୋର କରିଥିଲେ। ଯଶଶ୍ବୀ ଜୟସୱାଲ ୪୫ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। କେ.ଏଲ ରାହୁଲ ୨୭ ରନ୍ ସଂଗ୍ରହ କରିଥିଲେ। ୱାଶିଂଟନ୍ ସୁନ୍ଦର ୪୨ ରନ୍ ସ୍କୋର କରିବା ପରେ ଅପରାଜିତ ରହିଥିଲେ। ସେ ୫ ଟି ଚୌକା ମାରିଥିଲେ। ନୀତୀଶ ରେଡ୍ଡୀ ୪୨ ରନ୍ର ଏକ ଇନିଂସ ଖେଳିଥିଲେ।
