ନୂଆଦିଲ୍ଲୀ,୦୪/୧୨: ଗୋଟିଏ ଦଳ ପାଇଁ ଖେଳିଛନ୍ତି । ହେଲ ୧୦ ବର୍ଷ ହେବ ପରସ୍ପର ସହ କଥା ହେଉନାହାଁନ୍ତି । ଟିକେ ଅଜବ ଲାଗୁଥିବ ନିଶ୍ଚୟ ।  ସମୟ ଥିଲା ମହେନ୍ଦ୍ର ସିଂହ ଧୋନୀଙ୍କ  ସବୁଠୁ ବଡ ଅସ୍ତ୍ର ଥିଲେ ହରଭଜଜ ସିଂହ । ଅଫ ସ୍ପିନର ଭଜି ଭାରତକୁ ଏକାଧିକ ମ୍ୟାଚ ଜିତାଇଛନ୍ତି । ଲମ୍ବା ସମୟ ଧରି ସେ ଏମଏସଡିଙ୍କ ନେତୃତ୍ବରେ ଖେଳିଛନ୍ତି । ୨୦୦୭ ଟି-ଟ୍ବେଣ୍ଟି ବିଶ୍ବକପ ଓ ୨୦୧୧ ଦିନିକିଆ ବିଶ୍ବକପରେ ଭଜି ଓ ଧୋନୀ ଏକାଠା ଖେଳିଥିଲେ । ହେଲେ ୧୦ ବର୍ଷ ହେବ ଧୋନୀଙ୍କ ସହ କଥା ହୋଇନାହାନ୍ତି । ଏ କଥା ନିଜେ କହିଛନ୍ତି ହରଭଜନ ସିଂହ । ତେବେ ଏହା ପଛର କାରଣ କଣ ଜାଣିବାକୁ ପଢନ୍ଚୁ ରିପୋର୍ଟ ।

ଗୋଟିଏ ସାକ୍ଷାତକାରରେ ହରଭଜନ ସିଂହ କହିଛନ୍ତି, ମୁଁ ଧୋନୀଙ୍କ ସହ କଥା ହୁଏନାହିଁ । ମୁଁ ସିଏସକେ ପାଇଁ ଖେଳିବା ସମୟରେ ତାଙ୍କ ସହ କଥା ହେଉଥିଲି । ଏହା ପରେ ତାଙ୍କ  ସହ ଆଉ କେବେ କଥା ହୋଇନାହିଁ । ଏହାକୁ ୧୦ ବର୍ଷରୁ ଅଧିକ ହୋଇଗଲାଣି । ଆଇପିଏଲରେ  ଚେନ୍ନାଇ ସୁପରକିଙ୍ଗସ ପାଇଁ ଖେଳିବା ସମୟରେ କେବଳ ମୈଦାନରେ କଥା ହେଉଥିଲୁ । ଏହ ପରେ ଆମେ କେବେ ବି କଥା ହୋଇନାହିଁ ।

ହରଭଜନ ଆହୁରି କହିଛନ୍ତି, ତାଙ୍କୁ ନେଇ ମୋ ମନରେ ସେମିତି କିଛି ନାହିଁ ।  ଯଦି ତାଙ୍କୁ ମୋତେ କିଛି  କହିବାର ଅଛି ସେ କହିପାରିବେ । ମାତ୍ର ସେ ମୋତେ କିଛି କହିନାହାନ୍ତି । ମୁଁ ସେହିମାନଙ୍କୁ ଫୋନ  କରେ ଯିଏ ମୋ ଫୋନ ଉଠାନ୍ତି । ତାଛଡା ମୋ ପାଖରେ ଏତେ ସମୟ ନାହିଁ । ମୁଁ ସେହିମାନଙ୍କ  ସମ୍ପର୍କରେ ରୁହେ ଯେଉଁମାନେ ମୋର ବନ୍ଧୁ ।