ଦୁବାଇ,୦୬/୧୦: ମହିଳା ଟି ୨୦ ବିଶ୍ୱକପ ୨୦୨୪ ଜିତିବା ପାଇଁ ପାକିସ୍ତାନ ଭାରତକୁ ୧୦୬ ରନ୍ର ଟାର୍ଗେଟ ଦେଇଛି। ଦୁବାଇରେ ଖେଳାଯାଉଥିବା ମ୍ୟାଚରେ ଟିମ୍ ଇଣ୍ଡିଆ ଏପର୍ଯ୍ୟନ୍ତ ଭଲ ପ୍ରଦର୍ଶନ କରିଛି। ଏଥିରେ ଅରୁନ୍ଧତୀ ରେଡ୍ଡୀ ୩ ୱିକେଟ୍ ନେଇଥିଲେ। ଶ୍ରେୟଙ୍କା ପାଟିଲ ୨ ଟି ୱିକେଟ୍ ନେଇଛନ୍ତି। ନିଦା ଡର ପାକିସ୍ତାନ ପକ୍ଷରୁ ସର୍ବାଧିକ ୨୮ ରନ୍ ସଂଗ୍ରହ କରିଛନ୍ତି। ସେ ୩୪ ଟି ବଲକୁ ସାମ୍ନା କରୁଥିବା ବେଳେ ଗୋଟିଏ ଚୌକା ମାରିଛନ୍ତି। ପାକିସ୍ତାନର ଖରାପ ଆରମ୍ଭ ହେବା ପରେ ଦଳର ପ୍ରଦର୍ଶନ ମଧ୍ୟ ନୈରାଶ୍ୟଜନକ ହୋଇଥିଲା।
ପାକିସ୍ତାନର ପ୍ରଥମ ୱିକେଟ୍ ଗୁଲ ଫିରୋଜାଙ୍କର ଯାଇଥିଲା। ସେ ଶୂନ୍ୟରେ ପାଭିଲିୟନ ଫେରିଥିଲେ। ରେଣୁକା ସିଂ ତାଙ୍କୁ ଆଉଟ୍ କରିଥିଲେ। ଏହା ପରେ ସିଦରା ଆମିନ ୮ ରନ୍ କରିବା ପରେ ଆଉଟ୍ ହୋଇଥିଲେ। ଓପନର୍ ମୁନିବା ଅଲ୍ଲି ୧୭ ରନ୍ କରିଥିଲେ। ୨୬ ଟି ବଲକୁ ସାମ୍ନା କରି ସେ ୨ଟି ଚୌକା ମାରିଥିଲେ। ମାତ୍ର ୩ ରନ୍ ସ୍କୋର କରିବା ପରେ ସୋହେଲ ଆଉଟ୍ ହୋଇଥିଲେ। ୪ ରନ୍ ସ୍କୋର କରିବା ପରେ ଆଲିଆ ରିଆଜ ୱିକେଟ୍ ହରାଇଥିଲେ।
ଭାରତୀୟ ବୋଲରମାନେ ପାକିସ୍ତାନ ବିପକ୍ଷରେ ଭଲ ପ୍ରଦର୍ଶନ କରିଛନ୍ତି। ୪ ଓଭରରେ ୧୯ ରନ୍ ଦେଇ ଅରୁନ୍ଧତୀ ୩ଟି ୱିକେଟ୍ ନେଇଥିଲେ। ସେପଟେ ଶ୍ରେୟଙ୍କା ୪ ଓଭରରେ ମାତ୍ର ୧୨ ରନ୍ ଦେଇ ୨ ୱିକେଟ୍ ନେଇଥିଲେ। ରେଣୁକା ସିଂ ୪ ଓଭରରେ ୨୩ ରନ୍ ଦେଇ ୧ ୱିକେଟ୍ ନେଇଥିଲେ। ଦୀପ୍ତି ଶର୍ମା ୪ ଓଭରରେ ୨୪ ରନ୍ ଦେଇ ୧ ୱିକେଟ୍ ନେଇଥିଲେ। ଆଶା ଶୋଭନା ମଧ୍ୟ ଏକ ସଫଳତା ପାଇଥିଲେ। ଏବେ ଭାରତୀୟ ମହିଳା ଦଳ ୧୦୬ ରନ୍ର ବିଜୟଲକ୍ଷ୍ୟକୁ ନେଇ ମଇଦାନକୁ ଓହ୍ଲାଇଛନ୍ତି।