ପ୍ରମୂଖ ଖବର

ବିହାର ରାଜନୀତିରେ ବଡ଼ ଟ୍ବିଷ୍ଟ, ଖୁବଶୀଘ୍ର ନୂଆ ଦଳ ଘୋଷଣା କରିପାରନ୍ତି ତେଜ ପ୍ରତାପ ଯାଦବ

ଜନ୍ମଦିନରେ ଛତିଶଗଡ଼ ପୂର୍ବତନ ମୁଖ୍ୟମନ୍ତ୍ରୀଙ୍କ ପୁଅ ଗିରଫ; ଅବକାରୀ ଦୁର୍ନୀତି ମାମଲାରେ ବନ୍ଧିଲା ଇଡି

ସକାଳେ ଗୁଳୁଗୁଳି, ଅପରାହ୍ନରେ ବର୍ଷା: ଭିଜିବ ଉପକୂଳରୁ ନେଇ ଆଭ୍ୟନ୍ତରୀଣ ଓଡ଼ିଶା, ୨୨ ଜିଲ୍ଲାକୁ ୟେଲୋ ୱାର୍ଣ୍ଣିଂ

FM କଲେଜରେ ପହଞ୍ଚିଲେ ୟୁଜିସି ଫ୍ୟାକ୍ଟ ଫାଇଣ୍ଡିଂ ଟିମ୍, ତଦନ୍ତ କରୁଛନ୍ତି ୪ ଜଣିଆ ଦଳ

ଚାକିରି ଆଶା ଦେଖାଇ ଯୁବତୀଙ୍କୁ ନିର୍ଯାତନା: ରାଜସ୍ଥାନରୁ ଉଦ୍ଧାର ପରେ ଘରକୁ ଫେରିଲେ ଝିଅ

ରାଜଧାନୀରେ ବିଭତ୍ସ ହତ୍ୟାକାଣ୍ଡ, ଯୁବକଙ୍କୁ ପଥରରେ ଛେଚି ମାରିଦେଲେ ବାଇକ୍ ଚୋର

ଦିଲ୍ଲୀରେ ପୁଣି ୨୦ ଅଧିକ ବୋମା ଧମକ,ଆସିଥିଲା ଧମକପୂର୍ଣ୍ଣ ମେଲ୍, ପୁଲିସର ତଦାଘନା

ଭୂକମ୍ପ ଝଟକାରେ ଥରିଲା ଚିଲି, ରିକ୍ଟର ସ୍କେଲରେ ତୀବ୍ରତା ୫.୭ ରେକର୍ଡ଼

ଏଫ୍‌ଏମ୍‌ କଲେଜ ଛାତ୍ରୀ ଆତ୍ମାହୁତି ଘଟଣା: ଆଜି ବାଲେଶ୍ୱରରେ ଉଚ୍ଚଶିକ୍ଷା ବିଭାଗ କମିଟିର ତଦନ୍ତ, ଉପସ୍ଥିତ ରହିବେ ଆଇସିସିର ସମସ୍ତ ସଦସ୍ୟ

TRFକୁ ଆତଙ୍କୀ ସଂଗଠନ ଘୋଷଣା କଲା ଆମେରିକା, ପହଲଗାମ ଆତଙ୍କୀ ଆକ୍ରମଣ ପାଇଁ କଲା ଦାୟୀ

ଶତ୍ରୁକୁ ମାତ୍ ଦେବ ଭାରତର ୩ ଅମୋଘ ଅସ୍ତ୍ର; ୨୪ ଘଣ୍ଟାରେ ଶକ୍ତିଶାଳୀ ମିସାଇଲ ପରୀକ୍ଷଣ

Published By : Swapna Ray | July 18, 2025 3:41 PM

ନୂଆଦିଲ୍ଲୀ, ୧୮।୭: ଭାରତର ୩ ଶକ୍ତିଶାଳୀ ମିସାଇଲର ସଫଳ ପରୀକ୍ଷଣ । ୨୪ ଘଣ୍ଟାରେ ତିନୋଟି ମିସାଇଲ ଅଗ୍ନି-୧, ପୃଥ୍ୱୀ-୨ ଓ ଆକାଶ ପ୍ରାଇମ୍‌ର ସଫଳ ପରୀକ୍ଷଣ ହୋଇଛି । ଭାରତର ମିସାଇଲ ଟେକନିକ୍ ବିକାଶ ଦ୍ରୁତଗତିରେ ବଢ଼ୁଛି । ଅପରେସନ ସିନ୍ଦୂରରେ ସ୍ୱଦେଶୀ ମିସାଇଲର ଶକ୍ତି ସମସ୍ତେ ଦେଖିଛନ୍ତି । ୧୬ ଓ ୧୭ ଜୁଲାଇ ୨୦୨୫ରେ ସୁରକ୍ଷା କ୍ଷେତ୍ରରେ ତିନୋଟି ବଡ଼ ଉପଲବ୍ଧି ହାସଲ କରିଛି ଭାରତ । ଗୋଟିଏ ଦିନରେ ତିନି ତିନିଟି ମହତ୍ତ୍ୱପୂର୍ଣ୍ଣ ମିସାଇଲ ପରୀକ୍ଷା କରି ଭାରତ ନିଜର ରଣନୈତିକ ଓ କୌଶଳର ଶକ୍ତି ସାରା ବିଶ୍ୱକୁ ଦେଖାଇଛି । ୧୬ ଜୁଲାଇରେ ଭାରତୀୟ ସେନା ଓ ଡିଆରଡିଓ ଲଦାଖର ଉଚ୍ଚ ଅଞ୍ଚଳରେ ଆକାଶ ପ୍ରାଇମ୍ ମିସାଇଲର ସଫଳ ପରୀକ୍ଷଣ କରିଛି । ଏହି ମିସାଇଲ ୪ ହଜାର ୫୦୦ ମିଟରରୁ ଅଧିକ ଅର୍ଥାତ୍ ୧୫ ହଜାର ଫୁଟ୍ ଉଚ୍ଚରେ ପରୀକ୍ଷା କରାଯାଇଛି । ସେହିପରି ଜୁଲାଇ ୧୭ ଓଡ଼ିଶାର ଚାନ୍ଦିପୁରରେ ପୃଥ୍ୱୀ-୨ ଓ ଅଗ୍ନି-୧ ମିସାଇଲର ସଫଳ ପରୀକ୍ଷଣ ହୋଇଛି । ଏହି ଦୁଇଟି ମିସାଇଲ ସର୍ଟ ରେଞ୍ଜ ବାଲିଷ୍ଟିକ୍ ମିସାଇଲ, ଯାହା ଭାରତର ପରମାଣୁ ଶକ୍ତିକୁ ମଜବୁତ୍ କରେ । ଆକାଶ ପ୍ରାଇମ୍, ଆକାଶ ସିଷ୍ଟମର ଅପଗ୍ରେଡ୍ ଭର୍ସନ, ଯାହା ଭାରତୀୟ ସେନା ପାଇଁ ପ୍ରସ୍ତୁତ ହୋଇଛି । ଏହା ୩୦ରୁ ୩୫ କିମି ପର୍ଯ୍ୟନ୍ତ ଲକ୍ଷ୍ୟଭେଦ କରିପାରେ । ୧୮-୨୦ କିମିର ଉଚ୍ଚରେ ଲଢ଼ିପାରେ । ଏହି ଫାଇଟର୍ ଜେଟ୍, କ୍ରୁଜ ମିସାଇଲ ଓ ଡ୍ରୋନ ଭଳି ବିପଦକୁ ସାମନା କରିପାରିବ । ଏଥିରେ ରାଜେନ୍ଦ୍ର ରାଡାର ରହିଛି, ଯାହା ୩୬୦ ଡିଗ୍ରୀ କଭରେଜ୍ କରିବ । ଏକାଧିକ ଲକ୍ଷ୍ୟକୁ ଥରକରେ ଟ୍ରାକ୍ କରିବାକୁ ସକ୍ଷମ ।

ପରୀକ୍ଷଣରେ ଆକାଶ-ପ୍ରାଇମ୍ ଦୁଇଟି ହାଇସ୍ପିଡ୍ ଡ୍ରୋନକୁ ସଫଳତାପୂର୍ବକ ମାରି ଖସାଇଥିଲା । ଏହାର ସବୁଠାରୁ ବଡ଼ ବିଶେଷତ୍ୱ ହେଉଛି (RFS) ରେଡିଓ ଫ୍ରିକ୍ୟୁଏନ୍ସି ସିକର, ଯାହା ଲକ୍ଷ୍ୟକୁ ସଠିକତାର ସହ ଚିହ୍ନଟ କରେ । ମିସାଇଲକୁ ସଠିକ୍ ଦିଗ ଦର୍ଶାଏ । ପୂର୍ବରୁ ଏହି କୌଶଳ ମାତ୍ର, କିଛି ଦେଶ ପାଖରେ ଥିଲା, ଯେଉଁଥିରେ ଏବେ ଭାରତ ସାମିଲ ହୋଇଛି । ଏହି ପରୀକ୍ଷଣ ‘ଫାଷ୍ଟ ଅଫ୍ ପ୍ରଡକ୍ସନ ମଡେଲ୍ ଫାୟାରିଙ୍ଗ ଟ୍ରାଏଲ୍’ ଅଧିନରେ ହୋଇଛି । ଫଳରେ ଭାରତୀୟ ସେନାକୁ ଖୁବ୍‌ଶୀଘ୍ର ପଠାଯାଇପାରିବ । ଏହି ମିସାଇଲ ପ୍ରସ୍ତୁତିରେ ଭାରତୀୟ ସେନା, ଡିଆରଡିଓ, ଭାରତ ଡାଇନେମିକ୍ସ ଲିମିଟେଡ୍, ଭାରତ ଇଲେକ୍ରୋନିକ୍ସ ଲିମିଟେଡ୍ ଓ ଅନ୍ୟ କମ୍ପାନୀ ଏଥିରେ ସାମିଲ ଅଛନ୍ତି । ବର୍ତ୍ତମାନ ଏହି ମିସାଇଲ ସୀମା କ୍ଷେତ୍ରରେ ନିୟୋଜିତ କରାଯିବ ।

ପୃଥ୍ୱୀ-୨ ଲିକ୍ୱିଡ୍ ଇନ୍ଧନରେ ପରିଚାଳିତ । ଏହା ୩୫୦ କିମି ଦୂର ଯାଏଁ ସଠିକ୍ ଲକ୍ଷ୍ୟଭେଦ କରିପାରେ । ଅଗ୍ନି-୧ ସଲିଡ୍ ଇନ୍ଧନଦ ଦ୍ୱାରା ପରିଚାଳିତ । ଯାହାର ରେଞ୍ଜ ୭୦୦ କିମି । ଏହି ଦୁଇଟି ମିସାଇଲକୁ ଷ୍ଟ୍ରାଟେଜିକ୍ ଫୋର୍ସେସ କମାଣ୍ଡଙ୍କ ଅଧିନରେ ପରୀକ୍ଷା କରାଯାଇଥିଲା । ସେହିଭଳି ଆକାଶ ମିସାଇଲ ସିଷ୍ଟମ ଚାଇନା ଡ୍ରୋନ ଓ ତୁର୍କୀ ବିମାନକୁ ଭାରତର ପ୍ରବେଶ ପଥରେ ଅଟକାଇଥିଲା । ଉଚ୍ଚ ସ୍ଥାନମାନଙ୍କରେ ଲଢ଼ିବାକୁ ଭାରତୀୟ ସେନାଙ୍କ ପରାମର୍ଶରେ ଆକାଶ-ପ୍ରାଇମକୁ ବିକଶିତ କରାଯାଇଛି । ଏହି ତିନୋଟି ମିସାଇଲର ସଫଳ ପରୀକ୍ଷଣ ଭାରତର ସୁରକ୍ଷା ଶକ୍ତିକୁ ଆହୁରି ମଜବୁତ କରିବ । ଆକାଶ-ପ୍ରାଇମ୍ ଲଦାଖରେ ଓ ପୃଥ୍ୱୀ-୨ ଏବଂ ଅଗ୍ନି-୧ ଓଡ଼ିଶାରେ ନିଜ ଶକ୍ତି ଦର୍ଶାଇସାରିଛି । ଏହା ଭାରତୀୟ ବାୟୁସେନାର ଆତ୍ମନିର୍ଭରତାର ପ୍ରମାଣ, ଯାହା ସୀମା ସୁରକ୍ଷାକୁ ମଜବୁତ କରିବ ।