ଗ୍ୱାଲିୟର – ଆଜି (ରବିବାର) ଗ୍ୱାଲିୟରର ମାଧବରାଓ ସିନ୍ଧିଆ କ୍ରିକେଟ୍ ଷ୍ଟାଡିୟମରେ ଖେଳାଯାଇଛି ଭାରତ-ବାଂଲାଦେଶ ମଧ୍ୟରେ ପ୍ରଥମ ଟି-୨୦। ଏଥିରେ ଭାରତ ୭ ୱିକେଟରେ ବିଜୟୀ ହୋଇଛି। ଏହି ବିଜୟ ସହ ଭାରତ ତିନି ମ୍ୟାଚ ବିଶିଷ୍ଟ ଟି-୨୦ ସିରିଜରେ ୧-୦ରେ ଆଗୁଆ ରହିଛି। ବାଂଲାଦେଶ ପ୍ରଥମେ ବ୍ୟାଟିଂ କରି ୧୯.୫ ଓଭରରେ ସବୁ ୱିକେଟ ହରାଇ ୧୨୭ ରନ କରି ପାରିଥିଲା। ଏହାର ଜବାବରେ ଭାରତ ୧୧.୫ ଓଭରରେ ୩ ୱିକେଟ୍ରେ ୧୩୨ ରନ୍ କରି ଏହି ମ୍ୟାଚ୍କୁ ନିଜ ନାଁରେ କରି ପାରିଛି। ଭାରତ ପକ୍ଷରୁ ହାର୍ଦ୍ଦିକ ପାଣ୍ଡ୍ୟା ସର୍ବାଧିକ ୩୯ ରନ୍ କରିଛନ୍ତି।
୧୨୮ ରନର ଲକ୍ଷ୍ୟର ପିଛା କରି ପଡ଼ିଆକୁ ଓହ୍ଲାଇଥିବା ଭାରତୀୟ ଟିମ୍ ଧମାକାଦାର ଆରମ୍ଭ କରିଛି। ଅଭିଷେକ ଓ ସଞ୍ଜୁ ସାମସନଙ୍କ ମଧ୍ୟରେ ପ୍ରଥମ ୱିକେଟ୍ରେ ୨୫ ରନ୍ର ପାର୍ଟନରସିପ୍ ହୋଇଛି। ଅଭିଷେକ ଶର୍ମା ରନ୍ ଆଉଟ୍ ହୋଇ ପାଭେଲିୟନ ଫେରିଥିଲେ। ଅଭିଷେକ ୭ଟି ବଲ୍ରେ ୧୬ ରନ୍ କରିଥିଲେ। ସୂର୍ଯ୍ୟକୁମାର ଯାଦବ ଅଧିନାୟକ ପାଳି ଖେଳିଛନ୍ତି। ସେ ୧୪ବଲରେ ୨୯ରନ୍ କରିଛନ୍ତି।
ସଞ୍ଜୁ ସାମସନ ୧୯ବଲରେ ୨୯ ରନ କରିଛନ୍ତି। ମେହଦୀ ତାଙ୍କୁଆଉଟ୍ କରିଥିଲେ। ଏହାପରେ ନୀତିଶ ଓ ହାର୍ଦ୍ଦିକଙ୍କ ମଧ୍ୟରେ ୫୨ ରନର ପାର୍ଟନରସିପ୍ରେ ଭାରତ ମ୍ୟାଚ ୭ ୱିକେଟରେ ନିଜ ନାଁରେ କରି ପାରିଛି। ହାର୍ଦ୍ଦିକ ୧୬ ବଲରେ ୩୯ ରନ୍ ଓ ନୀତିଶ ୧୫ ବଲରେ ୧୬ ରନ୍ କରିଥିଲେ।
ପ୍ରଥମେ ବ୍ୟାଟିଂ କରିବାକୁ ଆସିଥିବା ବାଂଲାଦେଶର ଆରମ୍ଭ ଖୁବ୍ ଖରାପ ରହିଥିଲା। ଟିମ୍ ୩ ଓଭରରେ ଦୁଇ ଓପନର ବ୍ୟାଟ୍ରଙ୍କୁ ହରାଇ ଥିଲା।
