ନୂଆଦିଲ୍ଲୀ,୦୪/୦୩: ପହଲଗାମ ଆତଙ୍କୀ ଆକ୍ରମଣରେ ପାକିସ୍ତାନର ଲିଙ୍କ ମହଙ୍ଗା ପଡିଛି । ଗୋଟିଏ ପରେ ଗୋଟିଏ ଆକ୍ସନ ନେଉଛି ଭାରତ । ଡିଜିଟାଲ ଷ୍ଟ୍ରାଇକରେ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଓ ପୂର୍ବତନ ମନ୍ତ୍ରୀ ବିଲାୱାଲ ଭୁଟ୍ଟୋଙ୍କ 'ଏକ୍ସ' ଆକାଉଣ୍ଟ ବ୍ୟାନ୍ ହୋଇଛି । ଗତକାଲି ପ୍ରଧାନମନ୍ତ୍ରୀ ଶାହବାଜ ସରିଫଙ୍କ ୟୁଟ୍ୟୁବ ଚ୍ୟାନେଲ ବ୍ଲକ ହୋଇଥିଲା ।
ପହଲଗାମ ଆତଙ୍କୀ ଆକ୍ରମଣ ପରେ ପାକିସ୍ତାନ ବିରୋଧରେ କାର୍ଯ୍ୟାନୁଷ୍ଠାନ ନେଉଛି ଭାରତ । ପ୍ରଥମେ ସିନ୍ଧୁ ଜଳ ଚୁକ୍ତି ସ୍ଥଗିତ କରିବା, ପାକିସ୍ତାନ ନାଗରିକଙ୍କ ଭିସା ରଦ୍ଦ କରିବା ପରେ ଡିଜିଟାଲ ଓ ଆର୍ଥିକ ଷ୍ଟ୍ରାଇକ୍ କରିଥିଲା । ସେହି କ୍ରମରେ ଆଜି ଆଉ ଏକ କାର୍ଯ୍ୟାନୁଷ୍ଠାନ ନେଇ ପାକ୍ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଓ ପୂର୍ବତନ ବୈଦେଶିକ ମନ୍ତ୍ରୀ ବିଲାୱାଲ ଭୁଟ୍ଟୋଙ୍କ ଏକ୍ସ ଆକାଉଣ୍ଟ ଭାରତରେ ବ୍ୟାନ୍ ହୋଇଛି । ଇମ୍ରାନ ଖାନ ବର୍ତ୍ତମାନ ଜେଲରେ ଅଛନ୍ତି । ଭାରତ ବିରୋଧୀ ଗତିବିଧି ଏବଂ ବୟାନ ଦେଉଥିବା ନେଇ ଏପରି ଆକ୍ସନ ନେଇଛନ୍ତି ଭାରତ ସରକାର ।
ଲଗାତାର ଆକ୍ସନ ନେଉଛି ପାକିସ୍ତାନ- ପହଲଗାମ ଆତଙ୍କୀ ଆକ୍ରମଣ ପରେ ପାକିସ୍ତାନ ଉପରେ ଆକ୍ସନ ପରେ ଆକ୍ସନ ନେଉଛି ଭାରତ । ୱାଟର, ଡିଜିଟାଲ ଓ ଆର୍ଥିକ ଷ୍ଟ୍ରାଇକରେ ପାକିସ୍ତାନକୁ ପାନେ ଦେଇଛନ୍ତି ଭାରତ ସରକାର । ପାକିସ୍ତାନର ୧୬ ୟୁଟ୍ୟୁବ ଚ୍ୟାନେଲ ବ୍ୟାନ ପରେ ଏବେ ନେତା ଓ ଅଭିନେତାଙ୍କ ଏକ୍ସ ଆକାଉଣ୍ଟ ଓ ୟୁଟ୍ୟୁବ ଚ୍ୟାନେଲ ବ୍ୟାନ କରିବାକୁ ନିଷ୍ପତ୍ତି ନେଇଛନ୍ତି । ଭାରତ ବିରୋଧୀ ବୟାନ ଦେଉଥିବାରୁ କ୍ରିକେଟର ସାହିଦ ଆଫ୍ରିଦିଙ୍କ ୟୁଟ୍ୟୁବ ଚ୍ୟାନେଲ ମଧ୍ୟ ବ୍ଲକ କରାଯାଇଥିଲା ।
