ନୂଆଦିଲ୍ଲୀ: ସଂସଦର ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟ ଜାରି ରହିଛି । ଏହାରି ମଧ୍ୟରେ ଗୁରୁବାର ଆପ୍ରବାସନ ବିଲ୍ ଲୋକସଭାରେ ପାରିତ ହୋଇଛି । ଅନୁପ୍ରବେଶ ଏବଂ ଅବୈଧ ପ୍ରବାସୀଙ୍କୁ ରୋକିବା ଲକ୍ଷ୍ୟରେ ଅଣାଯାଇଥିବା ଏହି ବିଲର ନାମ ହେଉଛି ଇମିଗ୍ରେସନ୍ ଆଣ୍ଡ ଫରେନ ବିଲ୍ ୨୦୨୫।
ବିକାଶ ଚାହୁଁଥିବା ଲୋକଙ୍କୁ ଭାରତରେ ସ୍ୱାଗତ: ଅମିତ ଶାହ
ଏହି ବିଲ୍ର ଗୁରୁତ୍ୱ ବିଷୟରେ ଉଲ୍ଲେଖ କରି ଗୃହମନ୍ତ୍ରୀ ଲୋକସଭାରେ କହିଛନ୍ତି ଯେ, ଭାରତର ବିକାଶ ପାଇଁ ଆସୁଥିବା ପ୍ରବାସୀମାନଙ୍କୁ ଆମେ ସ୍ୱାଗତ କରୁଛୁ। ଶିକ୍ଷା, ବ୍ୟବସାୟ ଏବଂ ଗବେଷଣା ପାଇଁ ଦେଶକୁ ଆସୁଥିବା ଲୋକଙ୍କୁ ଆମେ ସ୍ୱାଗତ କରୁ। ପ୍ରଧାନମନ୍ତ୍ରୀ ମୋଦୀଙ୍କ ଲକ୍ଷ୍ୟ ହେଉଛି ଆମ ଦେଶ ୨୦୪୭ ସୁଦ୍ଧା ଏକ ବିକଶିତ ରାଷ୍ଟ୍ରରେ ପରିଣତ ହୋଇଛି। ସେଥିପାଇଁ ଆମେ ଅନେକ ପୁରୁଣା ଆଇନକୁ ଉଚ୍ଛେଦ କରିଛୁ।
ସୀମା ଭିତରକୁ କିଏ ପ୍ରବେଶ କରୁଛି ତାହା ଜାଣିବା ଗୁରୁତ୍ୱପୂର୍ଣ୍ଣ: ଅମିତ ଶାହ
କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ କହିଛନ୍ତି, ‘ପ୍ରବାସନ ଏକ ପୃଥକ ପ୍ରସଙ୍ଗ ନୁହେଁ। ଦେଶର ଅନେକ ପ୍ରସଙ୍ଗ ଏହା ସହିତ ଜଡିତ। ଜାତୀୟ ସୁରକ୍ଷା ଦୃଷ୍ଟିକୋଣରୁ, ଦେଶର ସୀମାରେ କିଏ ପ୍ରବେଶ କରେ ତାହା ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆମେ ଦେଶର ସୁରକ୍ଷାକୁ ବିପଦରେ ପକାଇଥିବା ଲୋକଙ୍କ ଉପରେ ମଧ୍ୟ କଡ଼ା ନଜର ରଖିଛୁ।’
ଅମିତ ଶାହ ଆହୁରି କହିଛନ୍ତି, ‘୧୦ ବର୍ଷ ମଧ୍ୟରେ ଆମର ଅର୍ଥନୀତି ୧୧ ନମ୍ବରରୁ ୫ ନମ୍ବରରେ ପହଞ୍ଚିଛି। ଭାରତ ସମଗ୍ର ବିଶ୍ୱର ଅର୍ଥନୀତି ତାଲିକାରେ ଏକ ଉଜ୍ଜ୍ୱଳ ସ୍ଥାନ ଭାବରେ ଉଭା ହୋଇଛି। ଭାରତ ଉତ୍ପାଦନର ଏକ କେନ୍ଦ୍ର ହେବାକୁ ଯାଉଛି। ଏପରି ପରିସ୍ଥିତିରେ, ସାରା ବିଶ୍ୱରୁ ଲୋକମାନେ ଏଠାକୁ ଆସିବା ବହୁତ ସ୍ୱାଭାବିକ।’
କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ଗୁରୁବାର (୨୭ ମାର୍ଚ୍ଚ, ୨୦୨୫) ଲୋକସଭାରେ ଆପ୍ରବାସ ଏବଂ ବିଦେଶ ବିଲ୍ ୨୦୨୫ ଉପରେ ପ୍ରତିକ୍ରିୟା ଦେଇ କହିଛନ୍ତି ଯେ, ଦେଶର ସୁରକ୍ଷା ପାଇଁ, ଆମ ଦେଶକୁ କିଏ ଏବଂ କେତେ ସମୟ ପାଇଁ ଆସନ୍ତି ତାହା ଜାଣିବାର ଅଧିକାର ଅଛି। ଏହି ଦେଶ କୌଣସି ଧର୍ମଶାଳା ନୁହେଁ ଯେଉଁଠାରେ ଯେକେହି ଯେତେବେଳେ ଚାହିଁବେ ଏବଂ ଯେକୌଣସି ଉଦ୍ଦେଶ୍ୟରେ ରହିପାରିବେ।
