ନୂଆଦିଲ୍ଲୀ,୩୦।୩: ଛତିଶଗଡର ବିଜାପୁର ଜିଲ୍ଲାରେ ୫୦ ଜଣ ନକ୍ସଲଙ୍କ ଆତ୍ମସମର୍ପଣ । ସେମାନଙ୍କ ମଧ୍ୟରୁ ୧୪ ଜଣଙ୍କ ମୁଣ୍ଡ ଉପରେ ମୋଟ ୬୮ ଲକ୍ଷ ଟଙ୍କା ପୁରସ୍କାର ଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଛତିଶଗଡ ଗସ୍ତର କିଛି ଘଣ୍ଟା ପୂର୍ବରୁ ସେମାନେ ଆତ୍ମସମର୍ପଣ କରିଛନ୍ତି। ରାଜ୍ୟ ପୋଲିସ ଏବଂ କେନ୍ଦ୍ରୀୟ ରିଜର୍ଭ ପୋଲିସ ବଳ (CRPF)ର ବରିଷ୍ଠ ଅଧିକାରୀଙ୍କ ସମ୍ମୁଖରେ ଅସ୍ତ୍ରଶସ୍ତ୍ର ସହ ଆତ୍ମସମର୍ପଣ କରିଛନ୍ତି।

ବିଜାରପୁରର ବରିଷ୍ଠ ପୋଲିସ ଅଧିକାରୀ ଜିତେନ୍ଦ୍ର କୁମାର ଯାଦବ କହିଛନ୍ତି, ସେମାନେ ମାଓବାଦୀ ବିଚାରଧାରା, ବରିଷ୍ଠ କର୍ମୀଙ୍କ ଦ୍ବାରା ଆଦିବାସୀଙ୍କ ଶୋଷଣ ଓ ଆନ୍ଦୋଳନ ଭିତରେ ସୃଷ୍ଟି ହେଉଥିବା ମତଭେଦ କାରଣରୁ ଆତ୍ମସମର୍ପଣ କରିଛନ୍ତି। ସେମାନେ ସୁରକ୍ଷାକର୍ମୀଙ୍କ ଦ୍ବାରା ଲଗାଯାଇଥିବା ଶିବର ‘ନିୟା ନେଲ୍ଲନାର’ ବା ‘ଆପଣଙ୍କ ସୁନ୍ଦର ଗାଁ’ ଯୋଜନାରେ ପ୍ରଭାବିତ ହୋଇଥିଲେ। ଏହା ଅନୁସାରେ, ସୁରକ୍ଷା ବଳ ଓ ପ୍ରଶାସନ ଦୂରଦୂରାନ୍ତ ଅଞ୍ଚଳରେ ମୌଳିକ ସୁବିଧା ପ୍ରଦାନ କରୁଛି।’

ଆତ୍ମସମର୍ପଣ କରିଥିବା ୫୦ ମାଓବାଦୀଙ୍କ ଉପରେ ୬ ରୁ ୮ ଲକ୍ଷ ଟଙ୍କା ପର୍ଯ୍ୟନ୍ତ ପୁରସ୍କାର ରହିଛି। ତାଙ୍କ ଭିତରୁ ୩ ଜଣଙ୍କ ନାଁରେ ୫ ଲଞ୍ଚ ଟଙ୍କା ଲେଖାଏଁ ପୁରସ୍କାର ରହିଛି। ସେଭଳି ୫ ଜଣଙ୍କ ଉପରେ ୧ ଲକ୍ଷ ଟଙ୍କା ଲେଖାଏଁ ପୁରସ୍କାର ରହିଛି। ଜିଲ୍ଲା ରିଜର୍ଭ ଗାର୍ଡ(ଡିଆରଜି), ବସ୍ତର ଫାଇଟର୍ସ, ସ୍ପେଶାଲ ଟାସ୍କ ଫୋର୍ସ(ଏସ୍‌ଟିଏଫ୍), ସିଆରପିଏଫ୍ ଓ ଏହାର ବିଶିଷ୍ଠ ୟୁନିଟ୍ କୋବ୍ରା (କମାଣ୍ଡୋ ବାଟାଲିୟନ୍‌ ଫର ରେସୋଲ୍ୟୁଟ ଆକ୍ସନ) ତାଙ୍କ ଆତ୍ମସପର୍ମଣରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଛି। ଆନ୍ଦୋଳନ ଛାଡି ମୁଖ୍ୟଧାରାରେ ସାମିଲ ହୋଇଥିବା ନକ୍ସଲଙ୍କ ପାଇଁ ସରକାରଙ୍କ ନୀତି ଅନୁସାରେ ପୁନଃର୍ବାସ କରାଯିବ। ଏହି ଆତ୍ମସମର୍ପଣ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଛତିଶଗଡ ଗସ୍ତର କିଛି ଘଣ୍ଟା ପୂର୍ବରୁ ହୋଇଛି। ଏଠାରେ ମୋଦି ୩୩,୭୦୦ କୋଟି ଟଙ୍କାରୁ ଅଧିକର ବହୁ ବିକାଶ ପ୍ରକଳ୍ପର ଆଧାରଶିଳା ରଖିବେ।