ରାଉରକେଲା,୦୪/୦୮: ଓଡ଼ିଶା-ଝାଡ଼ଖଣ୍ଡ ସୀମାନ୍ତ ରେଞ୍ଜଡା-କରମପଦା ମଝିରେ ମାଓବାଦୀଙ୍କ ଉତ୍ପାତ । ରବିବାର ବିଳମ୍ବିତ ରାତିରେ ଆଇଇଡି ବିସ୍ଫୋରଣ କରି ରେଳ ଧାରଣା ଉଡାଇଲେ ନକ୍ସଲ । ୨ ଦିନରେ ମାଓବାଦୀମାନେ ରେଞ୍ଜଡା, ରିଙ୍ଗଡା ଓ କରମପଦା ଦେଇ କିରିବୁରୁକୁ ଯାଇଥିବା ରେଳ ଧାରଣାର ବିଭିନ୍ନ ସ୍ଥାନରେ ଆଇଇଡି ଖଞ୍ଜି ବିସ୍ଫୋରଣ କରିଛନ୍ତି ।
ସୂଚନା ମୁତାବକ, ରବିବାର ରାତିରେ ମାଓବାଦୀମାନେ କରିଥିବା ବିସ୍ଫୋରଣରେ ରେଳ ଧାରଣା କ୍ଷତିଗ୍ରସ୍ତ ହୋଇଛି। ଲଗାତାର ଦୁଇ ଦିନ ଧରି ମାଓବାଦୀମାନେ କରିଥିବା ବିସ୍ଫୋରଣ ଯୋଗୁଁ ମାଲବାହୀ ଟ୍ରେନ୍ ଚଳାଚଳ ବନ୍ଦ ରହିଛି। ଏଡିଜି ଅପରେସନ ସଞ୍ଜୀବ ପଣ୍ଡାଙ୍କ ସହ ରାଉରକେଲା ଏସପି, ରେଳବାଇ ଏସପି, ସିଆରପିଏଫ୍ ଓ ଡିଭିଏଫ୍ ଯବାନମାନେ ଘଟଣାସ୍ଥଳକୁ ଯାଇ ଅନୁଧ୍ୟାନ କରିଛନ୍ତି । ସେପଟେ ସୁରକ୍ଷା ଯୋଗାଇ ଦିଆନଗଲେ କ୍ଷତିଗ୍ରସ୍ତ ହୋଇଥିବା ରେଳ ଧାରଣା ମରାମତି କରିବେ ନାହିଁ ବୋଲି ରେଳ କର୍ମଚାରୀ ରୋକଠୋକ୍ ଶୁଣାଇ ଦେଇଛନ୍ତି ।
