ବାଲିଶଙ୍କରା,୦୧/୦୮: ସୁନ୍ଦରଗଡ଼ ଜିଲ୍ଲା କନାକୁଣ୍ଡ ନିକଟରେ ଇବ ନଦୀରେ ଭାସି ଯାଇଥିଲେ ଯୁବକ । ପ୍ରାୟ ୪୦ ଘଣ୍ଟା ଖୋଜାଖୋଜି ପରେ ଯୁବକଙ୍କ ମୃତଦେହ ମାୟାବାହାଲ ଡଙ୍ଗାଘାଟ ନିକଟରୁ ଉଦ୍ଧାର କରାଯାଇଛି ।
ସୂଚନା ମୁତାବକ, ଗତ ବୁଧବାର ଦିନ ସମ୍ବଲପୁର ଜିଲ୍ଲା ବାମଡ଼ା ବ୍ଲକ ଅନ୍ତର୍ଗତ ଗୋବିନ୍ଦପୁର ଅଞ୍ଚଳରୁ ୩ଜଣ ଯୁବକ ଇବ୍ ନଦୀର କନାକୁଣ୍ଡକୁ ବୁଲିବା ପାଇଁ ଆସିଥିଲେ। ସେଠାରେ ଇବ ନଦୀରେ ଗାଧୋଉଥିବା ବେଳେ ହଠାତ୍ ୨ ଯୁବକ ଭାସିଯାଇଥିଲେ। ସେମାନଙ୍କ ମଧ୍ୟରୁ ଜଣଙ୍କ ମୃତଦେହ ୪୦ ଘଣ୍ଟା ପରେ ମାୟାବାହାଲ ଡୁଙ୍ଗାଘାଟ ଠାରୁ ଉଦ୍ଧାର ହୋଇଛି । ଅନ୍ୟ ଜଣଙ୍କ ମୃତଦେହ ପ୍ରାୟ ୪୪ ଘଣ୍ଟା ପରେ କୁକୁରିଡିହି ବ୍ରିଜ ନିକଟରୁ ମିଳିଛି।
ଉଦ୍ଧାର କାର୍ଯ୍ୟରେ ବାଲିଶଙ୍କରା ଓ ସବଡେଗା ଅଗ୍ନିଶମ ବିଭାଗ ମିଳିତ ଭାବେ ଚେଷ୍ଟା କରିଥିଲେ। ଘଟଣା ସମ୍ପର୍କରେ ସୂଚନା ପାଇ ତଳସରା ଥାନା ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ସୁନ୍ଦରଗଡ଼ ଜିଲ୍ଲା ସ୍ବାସ୍ଥ୍ୟ କେନ୍ଦ୍ରକୁ ପଠାଇ ଶବ ବ୍ୟବଛେଦ ପାଇଁ ବ୍ୟବସ୍ଥା କରିଛନ୍ତି।
