ରାଜଗାଙ୍ଗପୁର,୨୭/୦୭; ପାରିବାରିକ କଳହକୁ ନେଇ ହତ୍ୟାକାଣ୍ଡ । ସ୍ତ୍ରୀର ଶାବଳ ମାଡ଼ରେ ଚାଲିଗଲା ସ୍ୱାମୀର ଜୀବନ । ମୃତକ ସୁଦୀପ ବାରା(୩୨ବର୍ଷ) ଜଣାପଡ଼ିଛି । ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ଥାନା କାଂଶବାହାଲ ଫାଣ୍ଡି ଅନ୍ତର୍ଗତ ଶାଗଜୋର ପଞ୍ଚାୟତ କଦଳୀଢ଼ିପା ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି ।
ସୂଚନା ମୁତାବକ, ଶନିବାର କୌଣସି କାରଣକୁ ନେଇ ଉଭୟ ସ୍ୱାମୀ ସୁଦୀପ ଓ ସ୍ତ୍ରୀ ସଙ୍ଗିତା ବାରା (୨୪ ବର୍ଷ)ଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ସ୍ତ୍ରୀ ଘରେ ଥିବା ଏକ ଶାବଳରେ ସ୍ୱାମୀ ମୁଣ୍ଡକୁ ଆଘାତ କରିଥିଲେ । ଶାବଳ ମାଡ଼ରେ ସୁଜିତ ଅଚେତ ହୋଇ ପଡିଯାଇଥିଲେ । ସ୍ୱାମୀଙ୍କ ମୃତ୍ୟୁ ଘଟିଥିବା ଜାଣି ପାରି ଅଭିଯୁକ୍ତ ସ୍ତ୍ରୀ ଦୁଇ ଛୋଟ ପୁଅଙ୍କୁ ଧରି କାଂଶବାହାଲ ଫାଣ୍ଡିରେ ପହଞ୍ଚି ପୁଲିସ ଆଗରେ ଆତ୍ମସମର୍ପଣ କରିଛନ୍ତି । ରାଜଗାଙ୍ଗପୁର ଏସଡିପିଓ, ଥାନା ଅଧିକାରୀ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ହତ୍ୟାକାଣ୍ଡ ଭିଆଇଥିବା ସ୍ତ୍ରୀକୁ ପୁଲିସ ଗିରଫ କରିଛି ।
