ପ୍ରମୂଖ ଖବର
  • ଆଣ୍ଡାମାନ ଛୁଇଁଲା ମୌସୁମୀ ବାୟୁ, ଅଗ୍ରସର ହେବାକୁ ପାଗ ଅନୁକୂଳ
  • ||
  • ଆକର୍ଷଣୀୟ ହେବ ସମ୍ବଲପୁର ଶୀତଳଷଷ୍ଠୀ ଯାତ୍ରା, ରାଜସ୍ବ ମନ୍ତ୍ରୀଙ୍କ ସମୀକ୍ଷା ବୈଠକ
  • ||
  • ସାଉଥ୍‌ ବ୍ଲକ୍‌ରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ସମୀକ୍ଷା ବୈଠକ, CDS, ସେନା ମୁଖ୍ୟଙ୍କ ସହ ନୌସେନା ମୁଖ୍ୟ ମଧ୍ୟ ଉପସ୍ଥିତ
  • ||
  • ପ୍ରକାଶ ପାଇଲା ସିବିଏସ୍‌ସି ଯୁକ୍ତ ଦୁଇ ପରୀକ୍ଷା ଫଳ; ୮୮. ୩୯% ପାସ୍‌ହାର, ଝିଅଙ୍କୁ ଟପିଲେ ପୁଅ
  • ||
  • ନୂଆପଡ଼ା ଜିଲ୍ଲା ପଣ୍ଡରିପାଣି ଗାଁରେ ବାଘ ଆତଙ୍କ, ଗୁହାଲରେ ପଶି ଗାଈକୁ ଶିକାର କଲା
  • ||
  • ଜମ୍ମୁକାମୀର ସୋପିଆନରେ ସୁରକ୍ଷାକର୍ମୀ-ଆତଙ୍କବାଦୀ ମୁହାଁମୁହିଁ, ଏନ୍‌କାଉଣ୍ଟରରେ ଜଣେ ଆତଙ୍କୀ ନିହତ
  • ||
  • ପିପିଲିରେ ନାବାଳିକା ଦୁଷ୍କର୍ମ ଅଭିଯୋଗ, ଥାନାରେ ଫେରିବାଲା ଅଟକ
  • ||
  • ରାଜଧାନୀ ଭୁବନେଶ୍ବରରେ ‘ଆମ ବସ୍‌’ ସେବା ଠପ୍‌,ବିନା କାରଣରେ ଡ୍ରାଇଭର୍‌ ଓ କଣ୍ଡକ୍ଟର୍‌ଙ୍କୁ ମାଡ଼ ଅଭିଯୋଗରେ ଆନ୍ଦୋଳନ
  • ||
  • ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲା, ଆଜି ଶେଷ ପର୍ଯ୍ୟାୟ ଶୁଣାଣି
  • ||
  • ରାୟାଗଡ଼ ଲୁଟେରାଙ୍କ ଆତଙ୍କ, ଘରେ ପଶି ଦମ୍ପତିଙ୍କୁ ଆକ୍ରମଣ କରି ଲୁଟ କଲେ ସୁନା ଓ ରୁପା ଅଳଙ୍କାର
  • ||
  • ଇଣ୍ଡିଗୋ ପରେ ୮ଟି ସହରକୁ ଉଡ଼ାଣ ବାତିଲ କଲା ଏୟାର ଇଣ୍ଡିଆ
  • ||
  • ରାଜଧାନୀରେ ଆତଙ୍କ। ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ୮ ଦୁ‍ର୍ବୃତ୍ତ
  • ||
  • ମଙ୍ଗଳବାର ବାହାରିବ ସିବିଏସ୍‌ଇ ରେଜଲ୍ଟ ,ପୂର୍ବାହ୍ନରେ ଦଶମ ଶ୍ରେଣୀ ଓ ଅପରାହ୍ନରେ ଦ୍ୱାଦଶ ଶ୍ରେଣୀ ପରୀକ୍ଷା ଫଳ
  • ||
  • ରାଜ୍ୟରେ ପ୍ରଚଣ୍ଡ ତାତି, ୧୬ ଯାଏ ଭୀଷଣ ଗରମ ଓ ଗୁଳୁଗୁଳି; ଆଜି ଆଣ୍ଡାମାନ ଛୁଇଁପାରେ ମୌସୁମୀ ବାୟୁ
  • ||

ମିଳୁନି ସ୍ୱାମୀଙ୍କ ମୃତ୍ୟୁ ପ୍ରମାଣ ପତ୍ର , ସ୍କୁଲରେ ପିଲାଙ୍କ ଆଡମିଶନକୁ ନେଇ ଚିନ୍ତାରେ ସୁନିଆମତି

Published By : Prameya | May 10, 2025 7:52 PM

ଫିରିଙ୍ଗିଆ, ୧୦।୫ :  ରାଜସ୍ଥାନରେ ସ୍ବାମୀଙ୍କ ମୃତ୍ୟୁ ପରେ ମିଳୁନି ପ୍ରମାଣ ପତ୍ର।  ବ୍ଲକ କାର୍ଯ୍ୟାଳୟ, ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ଜିଲ୍ଲା ସ୍ୱାସ୍ଥ୍ୟ କେନ୍ଦ୍ର ସହ ଜିଲ୍ଲାପାଳଙ୍କୁ ଲିଖିତ ଅଭିଯୋଗ ପରେ ବି ମିଳୁନି ସ୍ବାମୀଙ୍କ ମୃତ୍ୟୁ ପ୍ରମାଣ ପତ୍ର । ଫଳରେ ସ୍କୁଲରେ ପିଲାଙ୍କ ଆଡମିଶନ ହୋଇ ପାରୁ ନାହିଁ। ସ୍ବାମୀ ମୃତ୍ୟୁ ପ୍ରମାଣ ପତ୍ରକୁ ନେଇ ଚିନ୍ତାରେ ରହିଛନ୍ତି ଫିରିଙ୍ଗିଆ ବ୍ଲକ ନୂଆଁ ପଦର ପଞ୍ଚାୟତ ଲତପଙ୍ଗିଆ ଗାଁର ସୁନିଆମତି l

କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ନୁଆଁପଦର ପଞ୍ଚାୟତ ଲତପଙ୍ଗିଆ ଗାଁର ସୁନିଆ ମତି ଦିଗାଲ ( ୨୫ ) ।  ଗତ ୨0୨୪ ମସିହାରେ ସୁନିଆ ମତିଙ୍କ ସ୍ୱାମୀ ଗୌତମ ଦିଗାଲ ରାଜସ୍ଥାନର ହନୁମାନ ଗଡ଼କୁ ଦାଦନ ଖଟିବାକୁ  ଯାଇଥିଲେ।  କିଛି ଦିନ କାମ କରିବା ପରେ ସେଠାରେ ତାଙ୍କର ମୃତ୍ୟୁ ଘଟିଥିଲା । ସ୍ୱାମୀଙ୍କ ମୃତ୍ୟୁ ପରେ ସୁନିଆମତି ସମ୍ପୂର୍ଣ୍ଣ ଭାଙ୍ଗି ପଡ଼ିଥିଲେ।  ନିଜର ୨ ପୁଅ ଓ ଗୋଟିଏ ଝିଅ ଅଛନ୍ତି।  ବଡ଼ ଝିଅର ବୟସ ବର୍ତ୍ତମାନ ୬ ବର୍ଷ,  ମଝିଆ ପୁଅ ୩ ବର୍ଷ ଓ ସାନ ପୁଅର ବୟସ ମାତ୍ର ୧ ବର୍ଷ।  କିନ୍ତୁ ପରିବାର ବହୁ ଅସୁବିଧାରେ ଚଳୁ ଥିବା ବେଳେ ବର୍ତ୍ତମାନ ପିଲାଙ୍କ ପାଠ ପଢା ପାଇଁ ସ୍ୱାମୀଙ୍କ ମୃତ୍ୟୁ ପ୍ରମାଣ ପତ୍ରକୁ ନେଇଁ ନାହିଁ ନଥିବା ଅସୁବିଧା ର ସମ୍ମୁଖୀନ ହେଉଥିବା ଦେଖିବାକୁ ମିଳିଛି l 

ପିଲାଙ୍କ ସ୍କୁଲରେ  ଆଡମିଶନ ପାଇଁ ବାପାଙ୍କ ମୃତ୍ୟୁ ପ୍ରମାଣ ପତ୍ର ଆବଶ୍ୟକ ହେଉଛି। ବର୍ତ୍ତମାନ ଫିରିଙ୍ଗିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଠାରୁ ଫିରିଙ୍ଗିଆ ବ୍ଲକ କାର୍ଯ୍ୟାଳୟ, ସମ୍ୱନ୍ୱିତ ଶିଶୁ ବିକାଶ କାର୍ଯ୍ୟାଳୟ ସହ ଫୁଲବାଣୀ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ର ଅଧିକାରୀଙ୍କ ସହ ଜିଲ୍ଲାପାଳଙ୍କୁ ମଧ୍ୟ ଭେଟି ଲିଖିତ ଭାବରେ ଜଣାଇଥିଲେ ମଧ୍ୟ କୌଣସି  ମୃତ୍ୟୁ ପ୍ରମାଣ ପତ୍ର ମିଳି ପାରୁନାହିଁ l 

କିଛି ଅଧିକାରୀ ରାଜସ୍ଥାନରୁ ମୃତ୍ୟୁ ପ୍ରମାଣ ପତ୍ର ମିଳିବ ବୋଲି କହୁଥିବା ବେଳେ ବିଭିନ୍ନ କାର୍ଯ୍ୟାଳୟ ସହ କୋର୍ଟ ଆଫିଡେଭିଟ ମଧ୍ୟ କରିଛନ୍ତି। କିନ୍ତୁ କୌଣସି ମୃତ୍ୟୁ ପ୍ରମାଣ ପତ୍ର ମିଳି ପାରିନାହିଁ । ବର୍ତ୍ତମାନ ନିଜର ପିଲା ମାନଙ୍କ ପାଇଁ ପାଠ ପଢିବା ପାଇଁ ବାପାଙ୍କ ମୃତ୍ୟୁ ପ୍ରମାଣ ପତ୍ର ସହ ଜାତି ପ୍ରମାଣ ପତ୍ର ଏବଂ ଘରର ପ୍ରମାଣ ପତ୍ର ଆବଶ୍ୟକ ହେଉଥିବାରୁ ଛୋଟ ଛୋଟ ପିଲାମାନଙ୍କ ମୃତ୍ୟୁ ପ୍ରମାଣ ପତ୍ର ପାଇଁ ପାଠ ପଢ଼ାରେ ମଧ୍ୟ ଡୋରି ବାନ୍ଧି ହେଉଛି l ଦୀର୍ଘ ଦିନ ହେବ ସ୍ୱାମୀଙ୍କ ଏହି ମୃତ୍ୟୁ ପ୍ରମାଣ ପତ୍ର ପାଇଁ ଧାଉଁ ଥିଲେ ମଧ୍ୟ  ମିଳୁ ନ ଥିବାରୁ ଭାଙ୍ଗି ପଡିଛନ୍ତି ସୁନିଆ ମତି l ପ୍ରଶାସନ ସ୍ୱାମୀଙ୍କ ମୃତ୍ୟୁ ପ୍ରମାଣ ପତ୍ର ଟିଏ ବ୍ୟବସ୍ଥା କରିଦେଲେ ସେ ଉପକୃତ ହେବା ସହ ନିଜ ପିଲାମାନଙ୍କ ପାଠ ପଢା ପାଇଁ ମଧ୍ୟ ସମସ୍ତ ସୁବିଧା ହୋଇ ପାରିବ ବୋଲି ସୁନିଆମତି କହିଛନ୍ତି l ମାସ ମାସ ଧରି ଦୌଡି ମୃତ୍ୟୁ ପ୍ରମାଣ ପତ୍ରଟିଏ ହୋଇ ପାରୁନାହିଁ ତେବେ ଉପାନ୍ତ ଅଞ୍ଚଳର ବିଭିନ୍ନ ସମସ୍ୟା କିଭଳି ସମାଧାନ ହେଉଥିବ ଏହାକୁ ନେଇଁ ପ୍ରଶ୍ନବାଚୀ ସୃଷ୍ଟି କରିଛି l ତୁରନ୍ତ ସୁନିଆମତି ନିଜ ସ୍ବାମୀଙ୍କ ମୃତ୍ୟୁ ପ୍ରମାଣ ପତ୍ର ପାଇପାରିବେ ସେ ନେଇଁ ବ୍ୟବସ୍ଥା କରିବାକୁ ଗ୍ରାମବାସୀଙ୍କ ସହ ସାଧାରଣ ରେ ଦାବୀ ହେଉଛି।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.