ଛତ୍ରପୁର/ ଖଲ୍ଲିକୋଟ,୧୩/୧୨: ଖଲିକୋଟ ଥାନା ଅନ୍ତର୍ଗତ ଆଦିବାସୀ ପଞ୍ଚାୟତ ବାଦପଲ୍ଲୀର ବିଭିନ୍ନ ଗାଁରେ ଗଞ୍ଜାମ ପୋଲିସ ଗୁରୁବାର ବିଳମ୍ୱିତ ରାତିରୁ ଚୋରା ମଦ ପ୍ରସ୍ତୁତ ଉପରେ ବଡ଼ ଧରଣର ଚଢାଉ ଜାରି ରହିଛି । ବ୍ୟାପକ ମଦ ଜବତ ସହ ପୋଚ ପୋଲିସ ନଷ୍ଟ କରିଥିବା ବେଳେ ଜଙ୍ଗଲ ମଧ୍ୟରେ ଆଦିବାସୀ ପୁରୁଷ ଓ ମହିଳା ମାନେ ଗଛକାଟି ପକାଇଛନ୍ତି । ଯାହାଫଳରେ ମାଜିଷ୍ଟ୍ରେଟ ପୋଲିସ ଜଙ୍ଗଲ ମଧ୍ୟରେ ରହିଥିବା ଖବର ମିଳିଛି ।
ସୂଚନା ମୁତାବକ, ଗଞ୍ଜାମ ଏସପି ଶୁଭେନ୍ଦୁ ପାତ୍ରଙ୍କ ନେତୃତ୍ତ୍ୱରେ ୧୦ପ୍ଲାଟୁନ ପୋଲିସ ଜିଲ୍ଲାର ସମସ୍ତ ପୋଲିସ ଅଧିକାରୀ ଏସଆଇ ଏବଂ ଏଏସଆଇ ସାଙ୍ଗକୁ ୮ଜଣ ବିଡ଼ିଓ ମାଜିଷ୍ଟ୍ରେଟ ଦାୟିତ୍ତ୍ୱରେ ଚଢାଉ କରାଯାଇଥିଲା । ଗୁରୁବାର ବିଳମ୍ବିତ ରାତିରେ ଏହି ଚଢାଉ ଆରମ୍ଭ ହୋଇଥିଲା । ଆଦିବାସୀ ପଞ୍ଚାୟତ ବାଦପଲ୍ଲୀର ବିଭିନ୍ନ ଗାଁକୁ ଚାରିପଟୁ ନାକାବନ୍ଦୀ କରି ଚଢାଉ ଆରମ୍ଭ କରାଯାଇଥିଲା । ଯାହା କି ବର୍ତ୍ତମାନ ମଧ୍ୟ ଚାଲୁ ରହିଛି । ବର୍ତ୍ତମାନ ପର୍ଯ୍ୟନ୍ତ ବିପୁଳ ପରିମାଣର ମଦ ପୋଚ ନଷ୍ଟ କରିଛି ପୋଲିସ ।
ତେବେ ଦୀର୍ଘବର୍ଷ ଧରି ଏହି ପାଞ୍ଚାୟତରେ ଆଦିବାସୀ ମାନେ ଏହି ଚୋରାମଦ ପ୍ରସ୍ତୁତ ଚାଲିଥିଲା । ପୂର୍ବରୁ ଏହି ପାଞ୍ଚାୟତକୁ ମଦ ଜବତ କରିବାକୁ ପୋଲିସ ଓ ଅବକାରୀ ବିଭାଗର ଅଧିକାରୀ ମାନେ ଚଢାଉ କରିବାକୁ ଯାଇଥିବା ବେଳେ ଆଦିବାସୀ ମାନେ ଧନୁ ଏବଂ ତୀର ଦ୍ୱାରା ଆକ୍ରମଣ କରିଥିଲେ ।
